Shirika la Umoja wa Mataifa la kuhudumiwa watoto UNICEF nchini Jamhuri ya Kidemokrasia ya Congo limekuwa likianisha kazi za ofisi yake katika mji wa Lubumbashi ambayo ni kupambana ukosefu wa uelewa wa kutosha miongoni mwa watu wa kuzuia virusi vya HIV na ukimwi.
Rais Omar al Bashir wa Sudan amesema serikali yake itajitoa kwenye mazungumzo na kundi la waasi wa Magharibi mwa Darfur endapo hakunakuwa na muafaka ifikapo mwisho ya siku ya leo Alhamisi Desemba 30.
Raia wa Jamhuri ya Kidemokrasia ya Congo wanaotimuliwa kutoka nchi jirani ya Angola wanaendelea kuwasili nyumbani Congo, huku wengi wakiarifu kubughudhiwa ikiwa ni pamoja na kubakwa imesema ofisi ya Umoja wa Mataifa ya kuratibu masuala ya kibinadamu nchini humo OCHA.
Mpango wa Umoja wa Mataifa nchini Ivory Coast UNOCI imetoa ombi kwa watu wa Ivory Coast kuchangia katika juhudi za amani kwa kuwaruhusu walinda amani wa Umoja wa Mataifa kutekeleza wajibu wao.
Chimbo la Ache nchini Indonesia limepiga hatua kubwa ya ujenzi mpya tangu kukumbwa na janga la tsunami miaka sita iliyopita. Hata hivyo ripoti ya Umoja wa Mataifa imeonya kwamba bado linakabiliwa na changamoto kubwa ya kuondoa umasikini, kuleta usawa na athari za majanga kwa siku zijazo.
Rais wa Lebanon amesema kuwa nchi yake itaendelea kutoa ushirikiano wa dhati kwa vikosi vya kulinda amani vya umoja wa mataifa ambavyo vilipelekwa nchini humo mwaka 2006 kufuatia makubaliano yaliyomaliza mapigano kati ya Israel na Hizbollah
Shirika la afya duniani who limeutaja mwaka 2010 kama mwaka uliokuwa na changamoto nyingi za kiafya zikiwemo za majanga ya kiasili.
Bodi kuu ya shirika la fedha duniani IMF juma hili imeidhinisha kuongezwa kwa muda wa miezi tisa wa kutoa mkopo kwa nchi ya Pakistan hadi mwezi Septemba mwaka 2011.
Msaada unaendelea kuwafikiwa maelfu ya wakimbizi wa ndani walioko katika kambi ya muda nje ya makao ya mpango wa Umoja wa Mataifa na wa Afrika wa kulinda amani Darfur UNAMID eneo la Kaskazini na Kusini mwa Darfur.
Mafuriko yanayoighubika Australia hivi sasa kwa mara nyingine yanaashiria umuhimu wa nchi zote zinazoendelea na zilizoendelea kuwa na mipango imara au la kukabiliwa na athari kubwa za hali ya hewa limesema shirika la Umoja wa Mataifa linalohusika na kupunguza majanga UNISDR.
