Makala

Mafuriko makubwa yanayoikumba Ningeria hivi sasa hayajawahi kushuhudiwa kwa zaidi ya muongo mmoja limesema Ofisi ya Umoja wa Mataifa la kuratibu masuala ya kibinadamu na misaada ya dharura OCHA na kuongeza kuwa hadi kufikia sasa zaidi ya watu milioni 3 wameathirika wengine wakipoteza maisha, zaidi ya milioni kutawanywa na miundombinu muhimu ikiwemo nyumba, barabara na mashamba vimesambaratishwa.

Mabadiliko ya tabianchi yakiendelea kuleta zahma duniani kote, vijana nao wanatumia fursa hiyo ya changamoto kuibuka na majawabu ya matatizo kama vile ukosefu wa nishati safi isiyoharibu mazingira na yenye gharama nafuu.

Shughuli za utalii, uchafuzi wa mazingira na mabadiliko ya tabianchi zimechochea kuleta wasiwasi kwa wananchi wa kisiwa cha San Andres nchini Colombia kutokana na matumbawe waliyokuwa wanategemea kuvutia watalii kuanza kuharibika na samaki wa asili nao wameanza kupotea.

Hali tete ya usalama inayoendelea nchini Jamhuri ya Kidemokrasia ya Congo DRC imewafanya watu wengi kufungasha virago kuyakimbia makazi yao na Kwenda kusaka usalama na mustakbali bora sehemu zingine ndani nan je ya nchi hususani nchi Jirani za Burundi, Uganda, Tanzania na Rwanda.

Mwaka 2018 nchi za Afrika zilitia saini makubaliano ya kuwa na eneo la biashara huru, AcFTA makubaliano ambayo yalianza kutekeleza mwaka 2019 na kulifanya kuwa eneo kubwa zaidi la eneo huru la biashara duniani likiwa na nchi 54 na jumla ya watu bilioni 1.2. Mwezi Septemba mwaka huu wa 2022 nchini Tanzania kulifanyika kongamano la siku 3 la wanawake na vijana wafanyabiashara chini ya mwamvuli wa AcFTA likifunguliwa na Rais Samia Suluhu Hassan Rais wa Tanzania ambaye ndiye mlezi wa jukwaa la wanawake na vijana AcFTA.

Ushirikiano na ukuaji kiuchumi ni miongoni mwa masuala muhimu katika kuhakikisha nchi yoyote ina amani na wananchi wake wanapata Maendeleo. Na ili kuhakikisha wananchi wa Sudan Kusini wana amani na maendeleo, Ujumbe wa Umoja wa Mataifa wa kulinda Amani nchini humo UNMISS umeandaa warsha ya biashara lengo likiwa ni kuwatia moyo wafanyabiashara wa ndani na kuwawezesha kiuchumi ili nao waweze kuimarisha biashara zao lakini pia waweze kufanya biashara na Umoja wa Mataifa .

Tarehe 24 Oktoba dunia ilisherehekea siku ya Umoja wa Mataifa kwa kuadhimishwa miaka 77 tangu kuanzishwa kwake mwaka 1945. Ingawa kuanzishwa kwake kuliangalia zaidi masuala ya Amani na usalama na Haki za Binadamu lakini Shirika hili kubwa la kimataifa limezidi kupanua wigo wake na sasa wanashiriki katika sekta zote duniani, lengo likiwa ni kuboresha maisha ya watu wote na kuhakikisha wana ustawi wa maisha na pale kwenye changamoto shirika husika la Umoja wa Mataifa hutafuta ufumbuzi.

Madhara ya mabadiliko ya tabianchi yanaendelea kubainishwa kila uchao. Mathalani hivi karibuni ripoti ya mashirika ya Umoja wa Matiafa ilitaja kuwa watoto milioni 559 kwa sasa wanakabiliwa na joto Kali na hali inategemewa kuwa mbaya zaidi ambapo mpaka kufikia mwaka 2050 watoto wote duniani ambao wanakadiriwa kuwa bilioni 2.02 watakumbwa na madhara ya joto kali. Joto kali ni moja ya madhara ya mabadiliko ya tabianchi.

Ushirikiano kati ya Rwanda na Umoja wa Mataifa ambao umedumu kwa miaka 60 sasa tangu taifa hilo la Afrika Mashariki kujiunga uanachama kwenye Umoja wa Mataifa ni wa manufaa kwa pande zote amesema Josephine Ulimwengu ambaye ni mratibu na mkuu wa miapango wa ofisi ya mratibu mkazi wa Umoja wa Mataifa nchini Rwanda . 

Umoja wa Mataifa kupitia mashirika yake lile la idadi ya watu na afya ya uzazi, UNFPA na la kuhudumia watoto, UNICEF  huko nchini Zambia unatekeleza mradi wa kuchochea kasi ya kutokomeza ndoa za utotoni, GPECM. Mradi unalenga kulinda na kuendeleza watoto wa kike na barubaru ili kuzuia mimba na ndoa za utotoni na hatimaye wafikie malengo ya juu ya ustawi kielimu, kiuchumi na kijamii.