“Habari, naitwa Camara Mariama Ciré kutoka Guinea Conakry…,” ndivyo anavyoanza Mariama Camara Cire kwa kujitambulisha kuwa anatokea Guinea Conakry moja ya nchi za Afrika Magharibi inayopakana na Bahari ya Atlantiki katika upande wake wa Magharibi na kwingine ikipakana na Guinea Bissau, Sierra Leone, Côte d'Ivoire, Senegal na Mali.
Shirika la kazi la Umoja wa Mataifa, ILO limeonya mwaka 2022 sekta ya ajira inatarajiwa kukua taratibu na tena bila uhakika kutokana na kuendelea kuwepo kwa janga la COVID-19 ambalo limeathiri soko la nguvukazi ulimwenguni.
Na wataalamu wa Umoja wa Mataifa wa masuala ya haki za binadamu wameonya kuwa uongozi wa Taliban nchini Afghanistan unaanzisha mfumo wa ubaguzi na unyanyasaji wa kijinsia kwa kiwango kikubwa dhidi ya wanawake na wasichana.
Kutokana na chanjo milioni 1.1 zilizofikishwa nchini Rwanda wikendi hii, mpango wa Shirika la Afya la Umoja wa Mataifa wa kuhakikisha utoaji sawa wa chanjo kwa wote umefikia hatua ya bilioni moja.
Naibu Katibu Mkuu wa Umoja wa Mataifa Amina Mohammed akishiriki katika ufunguzi wa Wiki ya Malengo ya Dunia huko Dubai katika nchi za Falme za Kiarabu au Emarati amesema kuwa tukio hilo ni muhimu ili kuonesha nia na kujitolea kwa Malengo ya Maendeleo Endelevu, SDGs.
Katibu Mkuu wa Umoja wa Mataifa Antonio Guterres ameeleza kusikitishwa sana na taarifa kuwa Tsunami na majivu vimeathiri nchi ya Tonga, na kwamba tahadhari ya uwezekano wa nchi nyingine kuathirika imetolewa.
Nchini Tanzania mfuko wa Umoja wa Mataifa wa maendeleo ya mitaji, UNCDF imewezesha wakazi wa wilaya ya Mbinga mkoani Ruvuma kupata huduma ya nishati salama isiyo na madhara siyo tu kwa binadamu bali pia mazingira.
Mwakilishi Maalum wa Katibu Mkuu wa Umoja wa Mataifa kuhusu ukatili wa kingono kwenye mizozo, Pramila Patten amekaribisha uamuzi wa Mahakama ya Juu huko Koblenz, Ujerumani, dhidi ya kanali wa zamani wa Syria Anwar R. kuhusu uhalifu dhidi ya kibinadamu ikiwa ni pamoja na vitendo vya unyanyasaji wa kijinsia.
Shirika la Umoja wa Mataifa la Mpango wa Chakula Duniani, WFP leo limeonya kwamba shughuli zake za kuokoa maisha kupitia chakula kaskazini mwa Ethiopia zinakaribia kusitishwa kwa sababu mapigano makali yamezuia upitishaji wa mafuta na chakula.
Kundi la wataalamu wa miongozo wa WHO wametaja dawa ya Baricitinib kwa ajili ya kutibu wagonjwa mahututi wa COVID-19.Dawa nyingine iliyopendekezwa na wataalamu hao ni Monoclonal, na pia kutoa masharti ya matumizi ya kingamwili hiyo kutumika kwa wagonjwa walio na Covid-19 isiyo kali, lakini tu kwa wale walio katika hatari kubwa ya kulazwa hospitalini.
