Kamishna mkuu wa Umoja wa Mataifa kwa ajili ya haki za Binadamu Navi Pillay aliihimiza serekali ya Uganda siku ya Ijumaa kutupilia mbali mswada wa sheria kuhusiana na watu wa jinsia moja wanaopendana, ambao unatarajiwa kufikishwa bungeni mwishoni mwa mwezi Januari.
Katibu mkuu wa UM Ban Ki-moon ametoa wito kwa jumuia ya kimataifa kuchangisha dola milioni 550 kuweza kukidhi mahitaji ya dharura ya wananchi wa Haiti walokumbwa na tetemeko la ardhi.
Idara mbali mbali za umoja wa mataifa zimeanza kupanga mikakati ya muda mfupi kuisaidia Haiti na wananchi wake walokumbwa na maafa makubwa kutokana na tetemeko la ardhi mapema wiki hii.
Baraza la usalama lilijadili Alhamisi njia mbali mbali za kuimarisha ushirikiano kati ya Umoja wa mataifa na jumuia za kikanda ili kukabiliana na mizozo ya dunia.
Maelfu na maelfu ya watu walopoteza makazi yao kote duniani watapata mikopo midogo ili kuweza kuanzisha biashara zao wenyewe na kuweza kujitegemea, kufuatia makubaliano kati ya Shirika la UM juu ya Huduma za Wahamiaji UNHCR na shirika la kutoa mikopo midogo iliyoanzishwa na mshindi wa tunzo ya Nobel Muhammad Yunus kutoka Bengladesh Grameen Trust.
Umoja wa Mataifa umeshafanya uchunguzi wa awali kwa ndege huko Haiti na kugundua kwamba kuharibika kwa majengo na miundo mbinu kumetokea katika maeneo mengi kabisa ya mji mkuu na maeneo ya jirani.
Akionekana na huzuni alipokua anazungumza na waandishi habari katibu mkuu wa Umoja wa Mataifa Ban Ki-moon amesema zaidi ya watumishi 100 wa umoja wa mataifa hawajulikani walipo huko Haiti, na umoja huo unatathmini maafa na hasara zilizopatikana kutokana na tetemeko kubwa la ardhi jana jioni nchini humo.
Marekani na mataifa mengi ya kigeni yameshaanza kupeleka msaada wa dharura huko Haiti, Rais Barack Obama ameahidi mpango kabambe wa dharura ukatayo ratibiwa vyema kusaidia Haiti.
Mashirika ya misaada ya dharura kutoka kila pembe ya dunia yalikua yanajitayarisha siku ya Ijumatano kuanzisha msaada maalum kwa ajili ya Haiti kufuatia tetemeko kubwa la ardhi kuwahi kutokea katika kipindi cha miaka 200.
Shirika la kimataifa la wahamiaji IOM, huko Angola litatoa msaada wa dharura kuimarisha usalama wa chakula na viwango vya lishe kwa jamii ambazo zinakabiliwa na hatari kutokana na idadi kubwa ya watu wanaorudi nyumbani na maafa ya kimaumbile.
