Katibu Mkuu wa Umoja wa Mataifa António Guterres ameelezea matumaini yake kuwa azimio la kufanikisha upelekaji misaada zaidi ukanda wa Gaza lililopitishwa leo Ijumaa na Baraza la Usalama linaweza kufanikisha makubaliano ya sitisho la mapigano kati ya Israel na wanamgambo wa kipalestina, Hamas.
Mchana huu wa Ijumaa 22 Novemba saa za New York, Marekani, Baraza la Usalama limeidhinisha azimio linalozitaka pande zinazohusika katika mzozo wa Gaza kuruhusu usambazaji wa haraka wa msaada wa kibinadamu kwa raia wa Palestina katika Ukanda wote wa Gaza. Nyaraka hiyo pia inataka hatua za haraka zichukuliwe ili kuunda mazingira ambayo yanasababisha usitishaji endelevu wa uhasama. Maandishi hayo yameidhinishwa kwa kura 13 za ndiyo, huku Marekani na Urusi zikijiepusha kupiga kura.
Ugonjwa wa Dengue umeendelea kuwa ‘mwiba’ barani Afrika ambapo mwaka huu pekee umesababisha vifo vya watu 700 kati ya wagonjwa 170,000 walioripotiwa kwenye nchi 47 za ukanda wa Afrika wa shirika la Umoja wa Mataifa la afya duniani, WHO.
Nchini Jamhuri ya Kidemokrasia ya Congo, DRC kazi ya kuhesabu kura inaendelea baada ya uchaguzi mkuu uliofanyika Jumatano na kuendelea katika baadhi ya maeneo jana Alhamisi, huku ikielezwa kwamba jimboni Ituri, maisha yamerejea katika hali ya kawaida kwenye eneo la Fataki baada ya mwaka mmoja wa mashambulizi kutoka kwa wanamgambo waliojihami wa kundi la CODECO.
Wakati Baraza la Usalama linakutana tena leo mjini New York kwa ajili ya kupiga kura iliyocheleweshwa kwa muda mrefu kuhusu kusitisha mapigano ili kuruhusu misaada zaidi ya kibinadamu kuingia Gaza, mkuu wa haki za Umoja wa Mataifa Volker Türk ameongeza Sauti yake kwa wasiwasi mkubwa juu ya tishio la njaa linaloongezeka kote Ukanda wa Gaza.
Njaa imeukumba Ukanda wa Gaza kwa mujibu wa shirika la afya la Umoja wa Mataifa WHO na hivyo kutishia ongezeko la magonjwa hususan miongoni mwa watoto, kina mama wajawazito na wanaonyonyesha na makundi mengine yaliyo hatarini na nishati ya kupikia nayo imeota mbawa.
Shaka na shuku juu ya hali ya usalama na ustawi wa mateka hasa wanawake 15 waliotekwa na wanamgambo wa kipalestina, Hamas tarehe 7 mwezi Oktoba mwaka huu wa 2023, vinamtia shaka Mwakilishi Maalum wa Katibu Mkuu wa Umoja wa Mataifa kuhusu Ukatili wa Kingoni kwenye mizozo, Pramila Patten.
Kwa mara ya kwanza, Umoja wa Mataifa unaadhimisha siku maalum ya mpira wa kikapu ili kutambua mchango wake katika kuleta amani, maendeleo na ustawi wa jamii. Michezo, sanaa na mazoezi yana uwezo wa kubadili mitazamo, tabia, kadhalika kuhamasisha kuondoa vikwazo vya tofauti za rangi na siasa, kupambana na unyanyapaa na pia kumaliza ghasia. Kama michezo miengine ile, mpira wa kikapu unavuka mipaka yote, tamaduni na lugha. Ni kiunganishi kinachowaleta pamoja watu wa asili tofauti kutangamana, kujuana na hatimaye kuchangia kudumisha amani.
Hakuna hospitali zinazofanya kazi kaskazini mwa Gaza na wagonjwa waliojeruhiwa ambao wanahitaji upasuaji na hawawezi kuhamishwa "wanangoja kufa", limesema leo shirika la afya la Umoja wa Mataifa WHO, katika ombi lake la kusitishwa kwa mapigano ili kuruhusu msaada zaidi katika eneo hilo lililosambaratika.
Nchini Jamhuri ya Kidemokrasia ya Congo, DRC, matokeo ya awali ya uchaguzi mkuu wa rais, magavana, wabunge na madiwani ambao ulifanyika jana, yameanza kubandikwa katika baadhi ya vituo huku maeneo mengine wapiga kura ambao hawakuweza kupiga kura kutokana na sababu mbali mbali ikiwemo mvua na kuchelewa kuwasili kwa vifaa wameruhusiwa kupiga kura yao leo Alhamisi.
