Timu ya Umoja wa Mataifa nchini Afrika Kusini iko tayari kushirikiana na mamlaka ili kutoa msaada kwa wale walioathirika moto katika jengo lenye makazi ya watu wengi mjini Johanesburg nchini Afrika Kusini.
Katibu Mkuu wa Umoja wa Mataifa António Guterres amezungumza na waandishi wa habari hii leo jijini New York, Marekani kabla ya kuanza ziara yake barani Afrika, Asia na Amerika, na kusema kuwa serikali za kijeshi si suluhisho akimulika mfululizo wa mapindu ya kijeshi yaliyogubika bara la Afrika katika miezi ya hivi karibuni.
Viongozi wa Afrika wanatarajiwa kukutana jijini Nairobi, kenya wiki ijayo kwa jaili ya wiki ya mkutano wa Mabadiliko ya Tabianchi, Mkutano wa kila mwaka ambao wanatarajiwa kujadili njia mbalimbali za kupunguza utoaji wa gesi chafuzi huku wakija na mbinu za mnepo wa kukabiliana na athari za hali ya hewa.
Mshauri Maalum wa Katibu Mkuu wa Umoja wa Mataifa kuhusu kupinga ubaguzi pahala pa kazi, Mojankunyane Gumbi akizungumza kuhusu Siku ya Kimataifa ya Watu wa Asili ya Afrika ambayo inaadhimishwa hii leo amesema Timu yake ya Kupinga Ubaguzi inapenda kutambua michango ya waafrika walioko ughaibuni.
Katibu Mkuu wa Umoja wa Mataifa António Guterres kupitia ujumbe wake mahususi kwa ajili ya Siku ya Kimataifa ya Watu wa Asili ya Afrika amesisitiza tena wito wa Kamishna Mkuu wa Haki za Binadamu wa Umoja wa Mataifa wa kutumia maadhimisho ya miaka 75 ya kupitishwa kwa Tamko la Umoja wa Mataifa la Haki za Binadamu kutangaza na kuchukua hatua haraka na madhubuti za kuendeleza usawa na kupambana na ubaguzi wa rangi, na chuki dhidi ya wageni.
Mradi wa msaada wa maendeleo ya biashara ndogo-ndogo na za kati wa Benki ya Dunia, na mshirika wake shirika la Umoja wa Mataifa la masuala ya wanawake, UN Women, umeleta manufaa katika maeneo ya mashariki mwa Jamhuri ya Kidemokrasia ya Congo, DRC. Serikali ya DRC inaeleza kuridhishwa na mradi huu ikisema kuwa umepanua kiwango cha biashara ndogo na za kati, na zaidi ya yote umeinua kiuchumi wanufaika hususan wanawake.
Katibu Mkuu wa Umoja wa Mataifa António Guterres amelaani vikali jaribio la mapinduzi nchini Gabon, huku akikiri kwamba "ukiukwaji mkubwa wa uhuru wa kimsingi" unaonekana kutekelezwa wakati wa uchaguzi uliofanyika nchini humo mwishoni mwa wiki
Shirika la Umoja wa Mataifa linaloshughulika na masuala ya watoto UNICEF nchini Kenya linatekeleza mradi wa matibabu kwa watoto wenye utapiamlo, mradi ambao umeanza kuzaa matunda kwani afya za watoto zimeanza kuimarika.
Mgeni njoo mwenyeji apone ni methali iliyodhihirika huko eneo la Mbau jimboni Kivu Kaskazini nchini Jamhuri ya Kidemokrasia ya Congo, DRC baada ya walinda amani wa Umoja wa Mataifa kutoka Tanzania kikosi cha 10, TANZBATT 10 walipotembelea hospitali ya La Grace kutoa msaada si tu wa chakula bali pia dawa. Walinda amani hawa wanahudumu kwenye kikosi cha kujibu mashambulizi, FIB cha ujumbe wa Umoja wa Mataifa wa kulinda amani nchini humo, MONUSCO.
Wataalamu wa haki za binadamu wa Umoja wa Mataifa na wa kanda mbalimbali ikiwemo Afrika na Asia wameyasihi mataifa yote kutoa haki kwa waathirika wa utoweshwaji wa watu, ikiwa ni pamoja na mtu yeyote ambaye amepata madhara kama matokeo ya moja kwa moja ya utoweshwaji wa watu.
