Zaidi ya watu milioni moja katika majimbo manane ya Msumbiji wameathirika na athari mbaya za kipindupindu, kimbunga Freddy na mafuriko yake, polio, janga la COVID-19 na janga la muda mrefu la kibinadamu kaskazini mwa nchi hiyo limesema shirika la afya la Umoja wa Mataifa duniani WHO.
Shirika la chakula na kilimo la Umoja wa Mataifa FAO linaongeza operesheni zake kuzisaidia jamii za vijijini zilizoathirika na matetemeko ya ardhi ya hivi karibuni nchini Uturuki na Syria na kujaribu kufufua uzalishaji wa chakula, huku likifanya tathimini ya uharibifu katika kilimo na ufuatiliaji wa athari za muda mrefu za matetemeko hayo.
Mtaalamu Maalum wa Umoja wa Mataifa kuhusu uhuru wa majaji na mawakili Margaret Satterthwaite ameonesha wasiwasi wake mkubwa kuwa kesi za kinidhamu zilizoendeshwa dhidi ya Jaji wa Mahakama Kuu nchini Uganda Esther Kisaakye huenda zikawa sawa na kulipiza kisasi dhidi yake kwa kutekeleza majukumu yake ya kimahakama.
Rais Filipe Nyusi wa Msumbiji akiwa kwenye makao makuu ya Umoja wa Mataifa jijini New York, Marekani amezungumza na Idhaa ya Umoja na kufafanua kile ambacho wanafanya kusaidia wakimbizi wanaotokana na mashambulizi yanayofanywa na makundi yaliyojihami kaskazini mwa nchi hiyo hususan mpakani mwa nchi yake na Tanzania tangu mwaka 2017.
Katibu Mkuu wa Umoja wa Mataifa Antonio Guterres ameeleza kusikitishwa na ripoti iliyotolewa ikieleza kuwa tume ya uchaguzi ya muungano nchini Myanmar iliyoteuliwa na jeshi la nchi hiyo imevifuta vyama 40 vya upinzani, kikiwemo chama cha National League for Democracy (NLD) kinachoongozwa na Mshauri wa Serikali, Daw Aung San Suu Kyi.
Katika kukabiliana na athari mbaya za taka kwa afya za binadamu , uchumi na mazingira leo kwa mara ya kwanza dunia inaadhimisha “siku ya kimataifa ya kutozalisha na kutotupa taka kiholela” ambayo inachagiza kila mtu kuzuia na kupunguza utupaji taka lakini pia kupigia chepuo mabadiliko ya mtazamo wa jamii kuelekea uchumi wa mzunguko.
Shirika la Umoja wa Mataifa la mpango wa chakula duniani WFP limesema halina budi bali kupunguza mgao wa chakula linachotoa kwa wakimbizi nchini Burundi kwa sababu ya ukata unaolikabili shirika hilo.
Shirika la chakula na kilimo la Umoja wa Mataifa FAO nchini Kenya linafanya kila juhudi kuhakikisha linatimiza wito wa Umoja wa Mataifa wa kutaka ubunifu na teknolojia vitumike kama nyenzo ya kumuinua mwanamke kiuchumi na kijamii lakini pia katika utekelezaji wa malengo ya maendeleo endelevu SDGs na kuhakikisha hakuna anayesalia nyuma kwenye zama hizo za kidijitali.
Leo Baraza Kuu la Umoja wa Mataifa lilipitisha azimio la kuomba maoni ya ushauri kutoka kwa mahakama ya kimataifa ya haki ICJ kuhusu wajibu wa mataifa kwa ajili ya kukabiliana na mabadiliko ya tabianchi.
Shirika la Umoja wa Mataifa la afya ulimwenguni, WHO limesema kamati yake kuhusu chanjo imeshapitia ushahidi wa matumizi ya chanjo aina 4 dhidi ya ugonjwa wa Marburg na kwamba maandalizi ya majaribio yamekamilika.
