Kuelekea maadhimisho ya pili ya siku ya lugha ya Kiswahili duniani julai 7 wananchi wa Uganda wanafanya kila juhudi kuhakikisha wanazungumza na kuelewa vyema lugha hiyo na kufuta usemi wa utani wa mitaani kuwa Kiswahili kimezaliwa Tanzania, kikafia Kenya na kuzikwa Uganda.
Kwa kuzingatia ombi la serikali ya mpito ya Mali la kutaka mpango wa Umoja wa Mataifa nchini humo MINUSMA uondoe mara moja na kubainisha kuwa hali ya Mali inaendelea kuwa tishio kwa amani na usalama wa kimataifa, Baraza la Usalama la Umoja wa Mataifa leo 30 Juni limeuomba mpango wa MINUSMA kuanza mara moja tarehe 1 Julai 2023 kusitishwa kwa shughuli zake, kuhamisha majukumu yake, pamoja na uondoaji kwa utaratibu na usalama wa wafanyikazi wake, kwa madhumuni ya kukamilisha mchakato huu ifikapo tarehe 31 Desemba 2023.
Nchi 193 Wanachama wa Shirika la Umoja wa Mataifa la Elimu, Sayansi na Utamaduni (UNESCO), zilizokutana katika Mkutano Mkuu usio wa kawaida, zimeidhinisha leo Ijumaa kwa wingi sana pendekezo lililowasilishwa na Marekani la kujiunga tena na Shirika hilo ambalo walikuwa wamejiondoa mwaka 2017 chini ya Urais wa Donald Trump.
Muungano wa mashirika ya kiraia katika eneo la Kalehe jimboni Kivu Kusini, mashariki mwa Jamhuri ya Kidemokrasia ya Congo, DRC wako katika harakati za kuhamasisha wananchi kupanda miti na kuchukua hatua nyingine zitakazosaidia kupambana na mabadiliko ya tabianchi baada ya eneo hilo kukumbwa na mafuriko yaliyosababisha vifo na uharibifu mkubwa mapema mwezi Mei Mwaka huu.
Baada ya miongo mitatu ya vita, mgogoro mkubwa nchini Jamhuri ya Kidemokrasia ya Congo DRC umezorota zaidi tangu mwanzoni mwa mwaka huu. Hususan sehemu ya Mashariki ya nchi hiyo inakabiliwa na ongezeko kubwa la machafuko na ukosefu wa usalama, na kuathiri vibaya afya ya watu.
Walinda amani wa Umoja wa Mataifa wa kikosi cha 6 kutoka Tanzania (TANBAT 6) wanaohudumu chini ya Ujumbe wa Umoja wa Mataifa nchini Jamhuri ya Afrika ya kati, CAR (MINUSCA) wametoa mafunzo ya upishi kwa vikindi vya wanawake wa Kijiji cha Moro kilichoko takribani kilometa 50 kutoka Mji wa Berberati, jimboni Mambere Kadei yalipo makao makuu ya kikosi hicho.
Kamishna Mkuu wa Haki za binadamu wa Umoja wa Mataifa Volker Türk amezitaka nchi wanachama wa Baraza la Umoja wa Mataifa la haki za binadamu kuweka ahadi ya kuchukua hatua madhubuti za kimageuzi ili kukabiliana na unyanyasaji wa kijinsia dhidi ya wanawake na wasichana katika maisha ya umma na ya kisiasa, na kukuza ushiriki wao katika nafasi za uongozi.
Wanawake na wasichana wanaokimbia machafuko yanayoendelea mjini Kharthoum nchini Sudan wanakabiliwa na changamoto lukuki hususan kwa wajawazito wanaohitaji msaada wa kujifungua, kwa mujibu wa shirika la Umoja wa Mataifa la idadi ya watu na afya ya uzazi UNFPA ambalo sasa limechukua jukumu la kuhakikisha uzazi salama kwa wanawake hao.
Ingawa huduma za maji safi na kujisafi zimeongezeka katika kipindi cha miaka 10 lakini bado maendeleo hayo ni madogo na hayatoshi kupambana na athari zinazoletwa na ukosefu wa huduma hiyo muhimu imesema ripoti iliyotolewa leo na Shirika la Umoja wa Mataifa la Afya ulimwenguni WHO na kuchapishwa na jarida la The Lancet.
Shirika la chakula na kilimo la Umoja wa Mataifa FAO pamoja na mashirika manne wadau, wamepewa jukumu la kuongoza mpango wa pamoja wa bahari safi na zenye afya, ambao ni mradi unaolenga kuanzia kwenye chanzo taka hadi baharini ambao utaelekeza ruzuku ya hadi dola milioni 115 kuzisaidia nchi kukabiliana na uchafuzi wa mazingira ya pwani na mfumo mzima wa Maisha ya baharí.
