Dunia inazidi kuwa na joto kila uchao katika kasi isiyo ya kawaida, zinaonesha takwimumpya huku viongozi wanoakutana kwenye COP28 huko Dubai, Falme za Kiarabu kuanzia leo Alhamisi wakitakiwa kuchukua hatua kuondoa binadamu kwenye “tatizo kubwa” amesema Katibu Mkuu wa Umoja wa Mataifa António Guterres.
Shirika la afya la Umoja wa Mataifa duniani WHO limesema katikia ripoti yake mpya iliyotolewa leo kwamba licha ya hatua kubwa zilizopigwa katika kupanua wigo wa kupata vyandarua vya mbu vyenye dawa pamoja dawa za kusaidia kuzuia malaria kwa watoto na kina mama wajawazito, watu wengi wamekuwa wakiugua malaria.
Mashirika ya kibinadamu yamezindua mpango wa dola bilioni 1.8 kusaidia watu milioni sita nchini Sudan Kusini mwaka ujao, umesema leo Umoja wa Mataifa
Wajumbe wanaokutana Dubai wamekubali hii leo Alhamisi kuanza kufanya kazi kwa mfuko utakaosaidia kulipa fidia nchi zinazopata hasara na uharibifu kutokana na mabadiliko ya tabianchi, hatua ya kihistoria, katika siku ya kwanz aya mkutano wa 28 wa nchi wanachama wa Mkataba wa Umoja wa Mataifa wa Mabadiliko ya TAbianchi, UNFCCC.
Mkutano wa Umoja wa Mataifa wa mabadiliko ya tabianchi COP28 umefungua pazia rasmi mjini Dubai katika Falme za nchi za Kiarabu kwa kuwaleta Pamoja wajumbe zaidi ya 60,000 kuangalia jinsi ya kuongeza hatua, fursa ya nyenzo za kujenga mnepo ikiwemo makubaliano ya kuanzishwa mfuko wa hasara na uharibifu ambayo yamepitishwa kwenye mkutano huo na pia kutumia ubunifu kudhibiti janga hilo.
Hali ya joto duniani inaendelea kufikia viwango vya juu na kuvunja rekodi na, mwaka unavyofikia ukingoni, joto la kidiplomasia linaongezeka huku macho yote yakielekezwa Dubai, Falme za Kiarabu, ambako viongozi wa dunia wanakutana kuanzia tarehe 30 Novemba hadi 12 Desemba, ili kutathmini njia za kusonga mbele katika vita vya dunia dhidi ya mabadiliko tabianchi.
Vikosi vya Walinda Amani kutoka Tanzania Kwa kushirikiana Walinda Amani wa Umoja wa Mataifa kutoka nchini Nepali wanaohudumu nchini Jamhuri ya Kidemkorasia ya Kongo – DRC wamefanya gwaride la pamoja na kutunikiwa Nishani za Umoja wa Mataifa na Mkuu wa kikosi cha Umoja wa Mataifa cha kulinda amani DRC, MONUSCO Luteni Jenerali Otavio Miranda Filho ikiwa ni kuthamini mchango wao wa kuhakikisha Amani ya Kudumu na Usalama vinapatikana nchini DRC.
Baraza la Usalama la Umoja wa Mataifa limekukutana tena leo asubuhi mjini New York Marekani kuhusu mzozo wa Mashariki ya Kati.
Suluhu za miundombinu ya asili zinaweza kuleta athiri chanya kwa asilimia 79 ya shabaha zote katika kufikia Malengo ya Maendeleo Endelevu- SDGs, hatua za kukabiliana na mabadiliko ya tabianchi na uhifadhi wa bioanuwai, imesema ripoti mpya iliyotolewa leo na mashirika ya Umoja wa Mataifa.
Ofisi ya Umoja wa Mataifa ya kuratibu misaada ya kibinadamu na masuala ya dharura OCHA imesema mvua kubwa inayoendelea kunyesha katika pembe ya Afrika imesababisha madhara makubwa pamoja na vifo ambapo huko nchini Somalia watu 94 wamepoteza maisha.
