DRC, MONUSCO umefunga kituo chake kilichoko Lubero jimboni Kivu Kaskazini baada ya kuweko huko kwa miaka 21.Hatua hii ni sehemu ya utekelezaji wa mpango wake wa kujiondoa kwa utaratibu kutoka DRC, kwa mujibu wa azimio la Baraza la Usalama la Umoja wa Mataifa kufuatia ombi la serikali ya DRC.
Harakati za kusambaza misaada kwa Gaza zimezidi kuwa ngumu huku kukiwa na ripoti za kuendelea kulipuliwa kwa mabomu katika Ukanda huo usiku kucha kunakotekelezwa na jeshi la Israel na mapigano makali "katika maeneo mengi" kati yao na wapiganaji wa Hamas, wahudumu wa kibinadamu wa Umoja wa Mataifa wameonya leo Novemba 27.
Mjini Beni jimboni Kivu Kaskazini nchini Jamhuri ya Kidemokrasia ya Congo, DRC takribani watu 500 wamenufaika na matibabu ya bure yanayotolewa na walinda aman iwa Umoja wa Mataifa kutoka India, wanaohudumu kwenye ujumbe wa umoja huo wa kulinda amani nchini humo MONUSCO.
Nchini Jamhuri ya Kidemokrasia ya Congo, DRC, kazi ya kuhesabu kura za Rais kufuatia uchaguzi mkuu uliofanyika tarehe 20 na kuendelea katika maeneo mengine siku zilizofuata, inaendelea huku nao wanufaka wa ujumbe wa Umoja wa Mataifa wa kulinda amani nchini humo, MONUSCO ambao umeanza kufunga virago, wakitoa shukrani zao.
Janga la ugonjwa lijalo litakapotokea ni lazima tuchukue hatua kwa ufanisi zaidi kwa kuandaa na kujumuisha mafunzo tuliyojifunza kutokana na janga la COVID-19, Katibu Mkuu wa Umoja wa Mataifa António Guterres amesisitiza katika ujumbe wake mahususi kwa ajili ya Siku ya kimataifa ya kukabili milipuko ya magonjwa ambayo huadhimishwa kila Novemba 27 kama leo.
Sigrid Kaag kutoka Uholanzi ameteuliwa hii leo na Katibu Mkuu wa Umoja wa Mataifa António Guterres kuwa Mratibu Mwandamizi wa Masuala ya Kibinadamu na Ujenzi mpya wa Gaza, ikiwa ni utekelezaji wa azimio la Baraza la Usalama la Umoja wa Mataifa namba 2720 la mwaka huu wa 2023.
Mzozo unaozidi kuwa mbaya wa Sudan unaendelea mbele ya macho yetu, ambao katika miezi 8 tu watu milioni 7 waliokimbia makazi, milioni 1.5 wamekimbilia nchi jirani, ndivyo Mkurugenzi Mkuu wa Shirika la Afya la Umoja wa Mataifa (WHO), Dkt. Tedros Adhanom Ghebreyesus alivyoanza ujumbe wake wa kueleza namna mzozo huo umevuruga mifumo ya afya katika nchi hiyo ya kaskazini mashariki mwa Afrika.
Wahudumu wa afya huko Ukanda wa Gaza leo jumanne wameendelea na kazi ya kuokoa maisha ya manusura wa mashambulio ya makambora yakiwemo mashambulio karibu na kambi ya wakimbizi kwenye eneo hilo lililozingirwa na Israel, mashambulio ambayo yameripotiwa kuua zaidi ya wtu 100, limesema shirika la Umoja wa Mataifa la afya, WHO.
Kuongezeka kwa mapigano katika jimbo la Al Jazirah nchini Sudan kumeripotiwa kuwalazimisha watoto wasiopungua 150,000 kutoka makwao katika muda wa chini ya wiki moja, limeonya leo shirika la Umoja wa Mataifa la kuhudumia watoto UNICEF.
