Mkurugenzi Mkuu wa shirika la afya ulimwenguni, WHO Dkt. Tedros Ghebreyesus amepongeza hatua zilizochukuliwa na serikali ya Uganda za maandalizi ya kukabiliana na ugonjwa wa Ebola iwapo utalipuka kwenye maeneo hatarishi zaidi nchini humo.
Huko nchini Sudan Kusini, mchango wa dola milioni 7 kutoka China kwa shirika la mpango wa chakula duniani, WFP utasaidia shirika hilo kununua vyakula kama vile mchele, maharagwe na vinginevyo kwa ajili ya mgao wa mlo kwa wanafunzi shuleni sambamba na kwa zaidi ya watu 126,000 kwenye maeneo yaliyokumbwa na mzozo na ukosefu wa chakula.
Mwaka huu, ulimwengu utaadhimisha miaka 100 tangu kuanzishwa kwa shirika la kazi duniani ILO mwaka 1919 ikiwa ni sehemu ya mkataba uliomaliza vita ya kwanza ya dunia. Taarifa
Nchini Somalia licha ya mashambulizi yanayoripotiwa mara kwa mara dhidi ya miundombinu ya kijamii zikiwemo hoteli, wananchi wameitikia wito wa Umoja wa Mataifa wa kutaka mashambulio ya aina hiyo yasiwazuie azma yao ya kujenga taifa lao kwa maendeleo yao na taifa lao.
Katika mwendelezo wetu wa kupitia taarifa ambazo zilikuwa na uzito wa juu kwa mwaka huu wa 2018, tunakurejesha kwa Lubunga Mwendanababo, mkimbizi kutoka Jamhuri ya Kidemokrasia ya Congo, DRC ambaye baada ya kuishi ukimbizi Tanzania, sasa amepata uraia wa Marekani ikiwa ni manufaa ya mpango wa shirika la Umoja wa Mataifa UNHCR la kuwapatia wakimbizi hifadhi kwenye nchi ya tatu. Grace Kaneiya anakurejesha kwenye taarifa hiyo ya tarehe 13 Novemba mwaka 2018.
Tangu kupitishwa kwa azimio la kuongeza muda kwa vikosi vya Umoja wa Mataifa vya kuweka utulivu nchini Mali, MINUSMA na Baraza la Usalama la Umoja huo, kazi ya kulinda raia na mali zao zimepelekwa hadi katikati mwa Mali katika maeneo ambako ni vigumu kuyafikia ikiwemo vijijini.
Katibu Mkuu wa Umoja wa Mataifa Antonio Guterres amelaani vikali shambulio dhidi ya jengo la umoja huo kwenye mji mkuu wa Somalia, Mogadishu.
Huko Nigeria imeelezwa kuwa maeneo ya kaskazini-mashariki mwa nchi hiyo kwenye jimbo la Borno yameshuhudia idadi kubwa ya wimbi la wakimbizi wa ndani katika wiki ya mwisho ya mwaka jana.
Heri ya mwaka mpya wa 2019 mfuatiliaji wa habari za Umoja wa Mataifa wakati huu ambapo chombo hicho kimeeleza kuwa takribani watoto 395, 072 watazaliwa siku hii ya kwanza yam waka.
