Akitoa taarifa ya kufunga mjadala Mkuu wa wazi wa Baraza Kuu la Umoja wa Mataifa mjini New York hii leo Rais wa Baraza Kuu Tijjani Muhammad-Bande amesema ushirikiano wa kimataifa unasalia kuwa nguzo muhimu inayokubalika na kutegemewa katika kutatua changamoto za kimataifa miongoni mwa nchi wanachama.
Shirika la Umoja wa Mataifa la kuhudumia wakimbizi UNHCR leo limemtangaza Gillian Trigss kutoka nchini Australia kuchukua hatamu rasmi kama Kamishina msaidizi mwandamizi mpya wa wakimbizi kwa ajili ya masuala ya ulinzi.
Baraza la Usalama la Umoja wa Mataifa leo limekuwa na kikao cha wazi kuhusu Syria ajenda kuu ikiwa ni hali ya kisiasa nchini humo wakati huu ambapo tayari kamati jumuisha ya kikatiba imeudwa kufuatia makubaliano kati ya serikali na kamati ya usuluhishi ya Syria.
Katika kuelekea siku ya kimataifa ya wazee ambayo kila mwaka huadhimishwa Oktoba Mosi, mtaalam huru wa Umoja wa Mataifa kuhusu wazee kufurahia haki zote za binadamu ametoa wito kwa kila mtu kusimama kidete kwa ajili ya kuhakikisha haki za wazee zinatimizwa.
Mjadala mkuu wa mkutano wa 74 wa Baraza Kuu la Umoja wa Mataifa, UNGA74 ukitamatishwa hii leo jiijni New York, Marekani, Waziri wa mambo ya nje na ushirikiano wa kimataifa wa Burundi Ezechiel Nibigira amehutubia jukwaa hilo akitaka ajenda ya Burundi kwenye Baraza la Usalama iondolewe kwa kuwa hali ya usalama nchini humo ni tulivu.
Mitandao ya kijamii ina hatari na athri kubwa zaidi kwa vijana inapotumiwa vibaya amesema balozi mwema wa wakfu wa Umoja wa Mataifa au UN Foundation Philip Ogola.
Mjumbe maalum wa Umoja wa Mataifa kwa Yemen, Martin Griffiths, amekaribisha hatua ya kundi la Ansar Allah nchini humo ya kuwaachilia huru wafungwa.
Waziri wa mambo ya nje wa Burundi Ezechiel Nibigira ameiambia Idhaa ya Kiswahili ya Umoja wa Mataifa kuwa anakusudia baadaye hii leo kuuleza mjadala mkuu wa mkutano wa 74 wa Baraza kuu la Umoja wa Mataifa, UNGA74 pamoja na mambo mengine, kuhusu hatua za maendeleo ambazo Burundi imepiga na pia kuiomba jumuiya ya kimataifa kuiunga mkono nchi yake.
Nchi 38 zilizotambuliwa na Umoja wa Mataifa kama nchi zinazoendelea za visiwa vidogo, au SIDS, ni kati ya nchi zilizo hatarini zaidi ulimwenguni. Nchi hizi ambazo ziko kwenye eneo la Karibea, bahari ya Pasifiki, ya Atlantiki, ya Hindi na Bahari ya Uchina ya Kusini zinaathirika na hali inayozidi ya mabadiliko ya tabianchi ulimwenguni ambayo haitabiriki. Pamoja na changamoto za mazingira, SIDS inakabiliwa na seti ya kipekee ya masuala yanayohusiana na udogo na umbali.
Waziri Mkuu wa Uganda Dkt Ruhakana Rugunda akihutubia mjadala mkuu wa Baraza kuu la Umoja wa Mataifa mkutano wa 74, UNGA74, miongoni mwa mengi, amesema Uganda inaendelea kuunga mkono ushirikiano wa kimataifa kwani ndiyo njia ya kufikia malengo dunia iliyojiwekea.
