Habari Mpya

Akiwa ziarani jimboni Kivu Kaskazini nchini Jamhuri ya Kidemokrasia ya Congo, DRC, mkuu wa operesheni za ulinzi wa amani kwenye Umoja wa Mataifa, Jean-Pierre Lacroix amesema mashambulizi dhidi ya walinda amani na wafanyakazi wa kibinadmu nchini humo si vitu vya ghafla bali ni matukio ya kupangwa na yanafadhaliwa na hivyo hayapaswi kukwepa mkono wa sheria.

Kuelekea siku ya UKIMWI duniani tarehe Mosi mwezi ujao wa Desemba, Doreen Moraa Moracha, msichana kutoka Kenya ambaye anaishi na virusi vya UKIMWI amekuwa changamoto kubwa katika kumaliza unyanyapaa dhidi ya watu wanaoishi na virusi vya Ukimwi au VVU.

Ofisi ya haki za binadamu ya Umoja wa Mataifa imesema imesikitishwa na uamuzi wa mahakama kuu nchini Israel ya kukubaliana na uamuzi wa serikali ya nchi hiyo wa kutomuongezea visa mkurugenzi wa shirika la Human Rights Watch kwa ofisi ya Israel na Palestina.

Kamishina mkuu wa haki za binadamu wa Umoja wa Mataifa Michelle Bachelet leo amewataka wadau wote nchini Ecuador kujihusisha na mazungumzo ili kuzuia migogoro mipya na kuunda jamii jumuishi na za amani kwa kuheshimu na kukumbatia mfumo wake wa tamaduni mbalimbali.

Shirika la mpango wa chakula duniani, WFP limesitisha kwa muda usambazaji wa misaada ya kibinadamu huko Beni, jimboni Kivu Kaskazini nchini Jamhuri ya Kidemokrasia ya Congo, DRC kutokana na mashambulizi yaliyoripotiwa kwenye maeneo yenye mlipuko wa Ebola. 

Shirika la Umoja wa mataifa lakuhudumia wakimbizi UNHCR limesema linatiwa wasiwasi mkubwa kuhusu maisha ya raia wakiwemo wakimbizi wa ndani Mashariki mwa Jamhuri ya Kidemokrasia ya Congo DRC ambako machafuko yanazidi kushika kasi.

Mafuriko makubwa na maporomoko ya udongo yaliyosababishwa na mvua kubwa zinazoendelea kunyesha nchini Kenya yamasebabisha vifo vya watu 120 na uharibifu mkubwa, limesema shirika la Umoja wa Mataifa la kuratibu misaada ya kibinadamu na masuala ya dharura OCHA.

Mafuriko mabaya zaidi katika kipindi cha miaka 25 yalikumba eneo la Ubangi Kaskazini na Kusini nchini Jamhuri ya Kidemokrasia ya Congo DRC.

Umoja wa Mataifa umesema jamii ikiwa ni pamoja na mashirika yasiyo ya kiserikali, asasi za kiraia na wanaharakati wana mchango mkubwa katika vita dhidi ya UKIMWI. 

Nchini Jamhuri ya kidemokrasia ya Congo, DRC wahudumu 4 wa Ebola wameuawa kufuatia shambulio la usiku wa kuamkia leo  huku wengine 5 wakijeruhiwa.