Kijana stadi yako ipi itakuondoa kwenye umaskini?

Mwanafunzi katika moja ya madarasa ya ufundi stadi kwenye Chuo kinachofadhiliwa kwa pamoja na UNICEF na Benki ya Maendeleo ya Ujerumani.

Tarehe 15 mwezi Julai kila mwaka ni siku ya kimataifa ya stadi kwa vijana. Umoja wa Mataifa ulipitisha siku hii mwaka 2014 kama njia ya kuibua mbinu mpya za kuwezesha vijana kupata stadi bora. Umoja wa Mataifa unataka elimu ya darasani iende sambamba na mafunzo ya stadi.

Nchini Lebanon, kijana akichomelea machuma. UNICEF nchini humo imeona inavutia vijana na kupitia mafunzo ya stadi pia wanapatiwa kipato kidogo na hatimaye watajitegemea badala ya kusalia bila ajira yoyote.

Parmar Bhavika mtoto huyu mwenye umri wa miaka 17 nchini India, alipatiwa mafunzo ya stadi za kutengeneza bangilli na tangu mwaka 2020 anajipatia hadi dola 2.50 kwa siku.

Hapa ni India, Parmar Bhavika huyu mwenye umri wa miaka 17 alipatiwa mafunzo ya stadi za kutengeneza bangilli, sasa tangu mwaka 2020 anajipatia hadi dola 2.50 kwa siku. Wahenga walinena, 'kimfaacho mtu chake.'

Hapa ni Madagascar, na pichani ni Natalia akisaidia kuuza bidhaa kwenye genge la bibi yake ili angalau kupata kipato kwa ajili ya familia yao.

Wahenga walinena 'samaki mkunje angali mbichi kwani akikauka hakunjiki,' na ndivyo ilivyo pichani kwa mtoto Natalia kupitia kusaidia bibi yake kuuza genge, naye anapata stadi za kuangia kwenye ujasiriamali. Je wewe unasaidia familia yako?

Nayeem huyu mtoto mwenye umri wa miaka 14 na ana ulemavu wa viungo. Lakini amejifunza stadi za uhandisi kutoka kwa jirani yao.

Ingawa ana ulemavu, Nayeem mwenye umri wa miaka 14 na kutoka Bangladesh, hakukubali hali hiyo ikwamishe ndoto zake. Jirani yao amemfundisha stadi za uhandisi na ameweza kutengeneza tochi yao ambayo ilikuwa imeharibika. Kila mtu ana uwezo wa kujifunza stadi apendayo.

Viki Bokanda, ingawa ni mvulana mwenye umri wa miaka 15 anajifunza ushoni kwenye kituo cha mafunzo stadi kwa wasichana huko Kisangani, Kaskazini magharibi mwa Jamhuri ya Kidemokrasia ya Congo, DRC.

Pichani ni Viki Bokanda yeye ni mvulana ana umri wa miaka 15 lakini hilo halikumzuia yeye kwenda kupata mafunzo ya ushoni kwenye Chuo cha ufundi stadi ambacho ni cha wanawake huko DRC.

Debora Mtambalika ni mmoja wa wanafunzi katika chuo cha Afrika cha mafunzo ya kutengeneza ndege zisizo na rubani, ADDA nchini Malawi.

Teknolojia ina nafasi kubwa kufanikisha malengo ya maendeleo endelevu na pichani ni Debora Mtambalika kutoka malawi na anatuonesha drone au ndege isiyo na rubani ambayo ametengeneza wakati anapata mafunzo ADDA ambacho ni chuo cha mafunzo ya utengenezaji wa ndege zisizo na rubani nchini Malawi.

WAnafunzi kutoka Chuo cha Ufundi stadi cha Kibosho nchini Tanzania wakijfunza mbinu za kilimo cha kupanda mazao kwenye maji bila udongo ikiwa ni mafunzo kwa msaada wa UNDP.

Nchini Tanzania, stadi za kilimo zimeleta nuru kwa wanafunzi wa Chuo cha Ufundi Stadi cha Kibosho, KvTI mkoani Kilimanjaro ambako vijana wanajifunza mbinu bora za kilimo na ufugaji ikiwemo kilimo kisichotumia udongo na kisha wanafundisha wazazi wao.

UNDP Tanzania

Paul Kongolo Menga (kati) akiwapatia mafunzo stadi wanafunzi huko jimboni Haut-Katanga nchini Jamhuri ya Kidemokrasia ya Congo, DRC.

Vijana wanafuatilia kwa makini maelekezo kutoka kwa mkufunzi Paul Kongolo Menga huko jimboni Katanga ya Juu nchini DRC.Mafunzo ya ufundi mchundo yanasaidia vijana kujiajiri na kuondokana na vitendo vya uhalifu.