Uwekezaji kwa wanawake ulivyoleta mabadiliko chanya kwenye jamii mashinani

Yvonne Makendo, mfanyabiashara wa kutembeza bidhaa na pia fundi cherehani mjini Bukavu, jimboni Kivu Kusini nchini Jamhuri ya Kidemokrasia ya Congo, DRC.

DRC: Mlipuko wa volkano ya mlima Nyiragongo jimboni Kivu Kaskazini nchini DRC ulisababisha Yvonne Mukendo apoteze njia ya kujipatia kipato. Lakini UN Women ilimwezesha kuanzisha upya biashara yake pamoja na ushoni na sasa anajengea uwezo wanawake wnengine kama yeye.

UN Women/Ryan Brown.

Janga la kiuchumi nchini Sri Lanka limeacha wengi akiwemo Susila Kanthi bila ajira na vyanzo vya kujipatia kipato. Mpango wa FAO wa kuwapatia fedha za dharura umesalia kuwa mwokozi.

SRI LANKA: Mradi wa FAO nchini Sri Lanka umemwezesha Susila Kanthi, miongoni mwa wanawake wachache wavuvi kwenye jamii yake kuheshmiwa na jamii yake baada ya miaka 27 ya uwepo wake kwenye tasnia hii inayoendeshwa zaidi na wanaume.

©FAO/Roar Media

Wanufaika wa mradi unaofadhiliwa na FAO wa kutengeneza unga lishe wa kupikia uji uitwao Tom Brown ambao ni mchanganyiko samaki, mtama, maharage ya soya na karanga.

NIGERIA: FAO ilipatia mafunzo wanawake wakimbizi wa ndani kaskazini-mashariki mwa Nigeria jinsi ya kuchakata na kutengeneza unga lishe huu. Sasa wana uwezo wa kulipia karo za shule watoto wao.

FAO

Basi la Ruta de los Sueños au Njia ya Ndoto ni mradi wa UNFP unaohusisha basi kupita maeneo ya vijijini nchini Honduras kuelimisha jamii kuhusu afya ya ngono na uzazi ili kuepusha pamoja na mambo mengine mimba zisizohitajika.

HONDURAS: "Nataka kuwa daktari", "Nataka kuwa mhandisi." ni baadhi ya ujumbe kutoka kwa watoto wa kike wanaopanda basi lililopatiwa jina Ruta de los Sueños au Njia ya Ndoto. Basi hilo mradi wa UNFPA husafiri maeneo ya kijijini kuelimisha kuhusu afya ya ngono na uzazi ili kuepusha mimba zisizohitajika.

Mpango wa vijiji vya kidijitali nchini Uzbekistan ambao unafadhiliwa na FAO umeleta mapinduzi makubwa kwenye kilimo cha mabandani na kuinua vipato hasa kwa wanawake.

UZBEKISTAN: Wanawake ni wanufaika wa mradi huu wa FAO ambapo kwenye mashamba yao kuna vihisishi vya kidijitali vilivyounganishwa kwenye intaneti kuwawezesha kudhibiti kiwango cha joto, unyevunyevu kwenye udongo na mwanga kwenye mabanda ya bustani na hivyo kongeza uzalishaji.

©FAO/Valentina Jug

Nchini Cameroon, FAO imepatia mafunzo wanawake 60 na wanaume 26 matumizi ya majiko ya kuoka aina ya Chokor kwa ajili ya kubanika kwa moshi samaki na hivyo kuongeza ubora wa samaki na halikadhalika kuongeza vipato vyao.

CAMEROON: Majiko banifu ya kuoka samaki yamesaidia wakimbizi wa ndani kuanza tena upya maisha yao. FAO iliwapatia mafunzo ya kutengeneza na kutumia ili wainue uchumi wao na watangamane vema upya kwenye jamii zao.

FAO

JORDAN: "Nashauri wanawake wengine wapatiwe mafunzo," amesema Mariam Al-Gharableh baada ya kupata stadi kadhaa kwenye kituo cha Oasis cha UN Women. Sasa amepanua biashara yake ya kutengeneza na kuuza sabuni, uturi na mabegi.

UN Women

Wanawake wamekusanyika kunywa kahawa hapa Guba Lafto, jimboni Amhara nchini Ethiopia

ETHIOPIA: Mkusanyiko huu wa kunywa kahawa huleta pamoja wanawake na wasichana walioathiriwa na vita na ambao wanahitaji huduma za matibabu, msaada wa sheria na kisaikolojia. Watoa huduma hizo hupatikana huku huduma ya kahawa ikiendelea.

UN Women