Wanajeshi na polisi takriban 15,200 pamoja na raia 2,000 walipewa jukumu la kufanya kazi kwa misheni hiyo ya MINUSMA, uliyofungwa rasmi tarehe 31 Disemba, 2023 na hivyo kuhitimisha uwepo wa muongo mmoja katika nchi hiyo ya Afrika Magharibi.

MINUSMA ilitumwa nchini Mali mwaka 2013 kufuatia uasi mkali wa waasi wanaotaka kujitenga wakijaribu kuchukua udhibiti wa eneo la kaskazini mwa nchi hiyo na kufuatia na mapinduzi ya kijeshi.

Miongoni mwa kazi kuu za MINUSMA ilikuwa ni pamoja na kusaidia mpito wa kisiasa na kulinda raia.

Lengo hasa la misheni hiyo ilikuwa ni kulinda amani katika eneo la kaskazini-magharibi mwa Mali, ikiwa ni pamoja na Gao (pichani).

MINUSMA pia waliunga mkono juhudi za upokonyaji silaha, na wapiganaji wa zamani takriban 2,300 walijiunga na mchakato wa kuwaondoa watu kwenye upiganaji na kuwajumuisha tena ndani ya jamii.

Ujumbe huo uliunga mkono michakato ya kurejesha utawala wa kikatiba ikiwa ni pamoja na kupitishwa kwa kura ya maoni ya katiba mpya mwezi Juni 2023. Pia ulitoa usaidizi wa kiufundi na vifaa kwa ajili ya uchaguzi.

Walinda amani wa Umoja wa Mataifa mara nyingi walishiriki kufanya kazi katika miradi ya kijamii. 

Katika picha ni wahandishi kutoka nchini Ghana wakifanya ukarabati wa shule uliofanywa katika mji mkuu, Bamako.

MINUSMA imekuwa miongoni mwa misheni za Umoja wa Mataifa zenye changamoto kubwa ya kulinda amani kwani operesheni zake zimekuwa zikifanyika katika mazingira ambayo mara nyingi yana uhasama.

Uwepo wa ujumbe huo nchini Mali ulikuja na gharama ya juu sana ya kibinadamu: Walinda amani 311 wamekufa wakiwa kazini na wengine zaidi ya 700 wamejeruhiwa tangu Julai 2013.

Mkuu wa Kitengo cha Kulinda Amani cha Umoja wa Mataifa, Jean-Pierre Lacroix (wa pili kutoka kulia), alitembelea misheni hiyo mara nyingi. Katika picha alienda kuhani wafanyakazi wenzake waliopoteza maisha wakati wakitekeleza kazi yao ya linda amani na kuwatambua kazi kubwa inayofanywa na walinzi wote wa amani “ambao wanahudumu kwa ajili ya amani bila ubinafsi”.