Vyombo vya habarikutoka kila kona ya duniani navyo vilirejea kwa wingi kuandikisha mikutano ya kilele, matukio ya kando, hotuba na mikutano katika kumbi mbalimbani ndani ya Umoja wa Mataifa wakati ambao ni wiki yenye shughuli nyingi zaidi katika Umoja wa Mataifa.

Kila Nchi Mwanachama wa Umoja wa Mataifa anapata fursa ya kupanda jukwaani katika Ukumbi wa Mkutano Mkuu na kutoa hotuba. 

Rais Volodymyr Zelenskyy wa Ukraine alitoa hotuba yake ya kwanza ana kwa ana kwenye Umoja wa Mataifa tangu nchi yake kuvamiwa na Urusi.

Miongoni mwa malengo muhimu ya wiki ya mikutano ya ngazi ya juu ilikuwa kuweka Malengo ya Maendeleo Endelevu (SDGs) katika kilele cha ajenda ya kimataifa.

Kwa siku mbili kulifanyika mkutano ulioangazia njia za kuongeza kasi ya kufikia Malengo 17 ya Maendeleo endelevu SDGs ambayo wanafikia kilele mwaka 2030.

Naye mtetezi wa SDG na mwanamuziki mashuhuri, mpiga Selo wa kimataifa Yo-Yo Ma alitoa burudani pamoja na wanamuziki wengine washuhuri wakipigia chepuo utekelezaji wa malengo ya maendeleo endelevu.

Uwepo wa viongozi wakuu wa Umoja wa Mataifa katika hafla za SDG, Katibu Mkuu wa Umoja wa Mataifa António Guterres (kushoto) na Naibu Katibu Mkuu Amina Mohammed pichani hapa, ulisisitiza umuhimu wa kusaidia Nchi Wanachama kufikia Malengo.

Suala jingine lililoangaziwa ni athari za Mabadiliko ya Tabianchi na baadhi ya jamii zilizoathiriwa zaidi ulimwenguni zilitoa maoni yao. Pia, jambo la kwanza, wale walioalikwa kuzungumza walitakiwa kuonesha mipango inayoaminika ya kupunguza hewa chafuzi zinazosababisha ongezeko la joto duniani.

Wakati wa mkutano wa ngazi ya juu wa Baraza Kuu la Umoja wa Mataifa kunakuwa na mamia ya matukio makubwa na madogo pamoja na mikutano ya nchi mbili inayohusisha watu mashuhuri wanaoshiriki UNGA. 

Katibu Mkuu wa Umoja wa Mataifa António Guterres alihudhuria mikutano mingi na kukutana na viongozi kadhaa wa kimataifa.

Baada ya kusikia kutoka kwa marais, mawaziri wakuu, Wakuu wa Nchi, na viongozi wengine wiki hii, mjadala mkuu unaendelea hadi Jumanne Septemba 26.