Lukas Moh kutoka kituo cha ACAKORO akiwapatia maelezo Irene na Carol waliokuwa na ndoto ya kucheza soka. Kupitia mradi, washiriki wanapatiwa pia sare  za michezo. Tangu utotoni, Carol na Irene walikuwa na ndoto ya kucheza soka na wakiwa na umri wa miaka 19 ndoto yao ikaanza kutimia.

Carol Odour akipiga danadana kwenye kituo cha kukuza vipaji vya soka cha ACAKORO, Nairobi, Kenya. Kituo kina makocha zaidi ya 12. Kituo hiki pamoja na kutoa mafunzo ya soka, kinapatia washiriki stadi za ufundi, kisaikolojia, chakula wakiwa mafunzoni, fedha za usafiri, na karo ya mafunzo. 

Irene Odour akiwa mazoezini na yeye ni golikipa. Hapa ni kwenye kituo cha kukuza vipaji vya soka cha ACAKORO, Nairobi, Kenya. Zaidi ya wanafunzi 1,150 wamenufaika na mradi huu wa ubia kati ya UNICEF na ACAKORO. Kabla ya kushiriki mradi huu, Carol na Irene hawakuwa wanaenda shuleni. Habari Picha hii ni safari yao kwenye kituo cha ACAKORO na mafunzo ya umakenika

Carol Odour (kushoto) na Irene Odour (kulia) wamepata pahali pa kutimiza ndoto ya kuwa  fundi makenika. Hapa wakijifunza stadi kwenye injini ya gari, Nairobi Kenya.

Pamoja na kwamba anaweza kumudu mpira golini, Irene pia anaweza kumudu spana na vifaa vinginevyo vya kurekebisha magari mabovu.

Kupitia ACACORO, Carol Odour pamoja na kukuza kipaji cha soka pia anajifunza stadi za ufundi mchundo kama hapa umakenika.

Pale mtu anapenda anachofanya, hufanya bila shuruti, na ndivyo ilivyo kwa Irene Odour. Kupitia ACAKORO, pamoja na kukuza kipaji cha soka pia anapata stadi za kutengeneza magari.