Mkuu wa ujumbe wa Umoja wa Mataifa wa kulinda amani nchini Jamhuri ya Afrika ya Kati, CAR, MINUSCA Kanda ya magharibi Brigedia Jenerali Zarrar Haider ametembelea kikosi cha 6 cha walinda amani wa Umoja wa Mataifa kutoka Tanzania, TANBAT 6 kilichoweka kambi Berberati, Mambéré-Kadéï.
Kufuatia kuanza kwa maadhimisho ya miaka 75 tangu kupitishwa kwa Tamko la Umoja wa Mataifa kuhusu haki za binadamu, UDHR, Kamishna Mkuu wa Umoja wa Mataifa kuhusu haki za binadamu, Volker Türk ametoa wito kwa serikali duniani kote na mamlaka zote zinazoshikilia watuhumiwa kuwapatia msamaha au kuwaachilia huru wale wote walioswekwa ndani kwa kutekeleza haki zao za msingi.
Wakuu wa mashirika ya Umoja wa Mataifa leo wametoa wito kwa Baraza la Usalama kuongeza muda wa makubaliano ya kuhakikisha msaada wa kibinadamu unaendelea kuvuka mpaka kaskazini-magharibi mwa Syria, kwani muda wa makubaliano hayo unatarajiwa kumalizika baada ya siku nane zijazo.
Mwaka 2023 ni mwaka wa mtama, kwa mujibu wa shirika la Umoja wa Mataifa la chakula na kilimo FAO mwaka huu itakuwa ni fursa ya kuongeza ufahamu na kuelekeza umakini wa kisera kwa manufaa ya lishe na afya ya mtama na jinsi ulivyo endelevu katika kilimo chini ya hali mbaya na inayobadilika ya hewa.
Kwa muda sasa, Umoja wa Mataifa kupitia mashirika na wadau wengine, wameendelea kutafuta namna nzuri ya kutokomeza mila ya ukeketaji ambayo imekuwepo kwa zaidi ya miaka elfu moja katika jamii mbalimbali duniani.
Katibu Mkuu wa Umoja wa Mataifa amesema amesikitishwa sana na vifo vya makumi ya raia kutokana na mlipuko wa lori la gesi ulilotokea Boksburg,nchini Afrika Kusini.
