Hii leo mjini Geneva, Uswisi, wataalamu wa Umoja wa Mataifa wameeleza hofu yao kuhusu kuongezeka kwa vurugu na kuuawa kwa waandamanaji nchini Sudan ambao wamekuwa wakipinga ongezeko la bei ya bidhaa na uhaba wa mafuta na chakula. Arnold Kayanda na maelezo zaidi.
Mpango wa kujumuisha wakimbizi katika maendeleo ya kiuchumi kwenye mji mkuu wa Rwanda, Kigali, umechangia katika wakimbizi kuanzisha biashara ndogo ndogo ambazo zimebuni ajira kwa watu 2,600 nchini humo, ikiwemo biashara ya kuuza mitungi ya gesi inayomilikiwa na mkimbizi kutoka Burundi.
Mwaka 2018 ukifikia ukingoni, shirika la Umoja wa Mataifa la kuhudumia watoto, UNICEF limetoa tathmini ya hali ya watoto mwaka huu hususan kwenye nchi zenye mizozo na kusema ilikuwa ni mbaya kiasi cha kuweka mashakani mustakabali wao.
Kuelekea uchaguzi mkuu nchini Bangladesh unaotarajiwa kufanyika jumapili hii ya tarehe 30 mwezi huu wa Desemba, Katibu Mkuu wa Umoja wa Mataifa Antonio Guterres kupitia taarifa iliyotolewa hii leo mjini New York Marekani na msemaji wake, amewasihi wadau wote Bangladesh wahakikishe wanaweka mazingira yasiyo na vurugu, vitisho wala kulazimishwa, kabla, wakati na baada ya uchaguzi, ili kuwezesha uchaguzi wa amani, halali na unaohusisha watu wote.
Shirika la afya la Umoja wa Mataifa, WHO nchini Ethipoia, linasema linaazimia kufanikisha lengo lake la kuona ugonjwa wa kifua kikuu, TB, hausambai ifikapo mwaka wa 2035 na pia kuutokomeza kabisa ifikapo mwaka wa 2050 nchini humo.
Mwaka 2018 unapofikia ukingoni tunarejelea baadhi ya taarifa ambazo tulizitangaza na tunaamini kuwa zilikuwa na umuhimu mkubwa na miongoni mwao ni ile ya mwanaharakati wa mazingira kutoka Kenya James Wakibia.
Mdhibiti na Mkaguzi Mkuu wa hesabu za serikali nchini Tanzania, CAG Profesa Musa Assad amezungumzia kitendo cha baadhi ya ripoti zinazoonyesha ubadhirifu kutoshughulikia ipasavyo na Bunge la nchi hiyo. Taarifa zaidi na Arnold Kayanda.
Zaidi ya watu milioni moja wamefurushwa makwao nchini Jamhuri ya Kidemokrasia ya Congo, DRC kwa mwaka 2018 pekee kufuatia mzozo unaondelea nchini humo. Miongoni mwao ni Valentin Muhindo ambaye simulizi yake inaletwa kwako na Grace Kaneiya.
Ujumbe wa Umoja wa Mataifa nchini Libya UNSMIL umelaani shambulio la kigaidi lililofanywa jana kwenye ofisi za wizara ya mambo ya nje nchini humo kwenye mji mkuu Tripoli.
Tume huru ya taifa ya uchaguzi nchini Jamhuri ya Kidemokrasia ya Congo, DRC, CENI imesogeza mwezi Machi mwakani upigaji kura kwa ajili ya uchaguzi mkuu kwenye wilaya tano nchini humo kwa sababu ya Ebola na ukosefu wa usalama.
