Mratibu wa umoja wa Mataifa wa masuala ya kibinadamu na misaada ya dharura Martin Griffiths amesema masuala ya kibinadamu duniani yanakabiliwa na mtihani mkubwa ambao haujawahi kushuhudiwa huku mahitaji yakiongezeka kila uchao duniani kote, migogoro ikipandiana na mamilioni ya watu wakihitaji msaada.
Mkurugenzi Mkuu wa shirka la Umoja wa Mataifa la nishati ya atomiki, IAEA, Rafael Mariano Grossi amemfahamisha Rais wa Ukraine Volodymyr Zelensky mjini Kyiv kuhusu upanuzi wa wigo wa shughuli za shirika hilo nchini humo ili kuisaidia kuhakikisha ulinzi na usalama wa nyuklia katika kinu chake wakati huu ambapo operesheni na mashambulizi ya kijeshi yanaendelea kutoka Urusi.
Shirika la Umoja wa Mataifa la kuratibu masuala ya kibinadamu na misaada ya dharura OCHA limesema kwa mara ya kwanza misaada ya mashirika ya Umoja wa Mataifa imefanikiwa kuwasili katika eno linalodhibitiwa na serikali karibu na Soledar Mashariki mwa Donetsk Oblast nchini Ukraine.
Hii leo Baraza la Usalama la Umoja wa Mataifa limekuwa na mjadala wa wazi kuhusu utawala wa sheria ambapo Katibu Mkuu wa Umoja wa Matifa Antonio Guterres amesema ingawa nchi wanachama, mashirika ya kikanda, ya kiraia na sekta binafsi wana wajibu wa kuchangia katika kujenga na kulinda utawala wa sheria, hali ilivyo hivi sasa ni tofauti na kinachoonekana bado kuna safari ndefu ya kufikia lengo la utawala wa sheria.
Kaya za vijijini, wakulima wadogo na wafanyabiashara wadogo wa kilimo nchini Ukraine watanufaika na mradi wa dola milioni 15.5 unaofadhiliwa na Muungano wa Ulaya (EU) na kutekelezwa na shirika la Umoja wa Mataifa la chakula na Kilimo (FAO) ili kusaidia utendakazi, uifuatiliaji na uimarishaji wa minyororo ya thamani katika kilimo, uvuvi na sekta ya misitu, na kukabiliana na hali ya wakati wa vita.
Mkuu wa ofisi ya Umoja wa Mataifa ya kuratibu misaada ya dharura, OCHA, Martin Griffiths amehitimisha ziara yake ya siku nne nchini Ukraine na kutaja mambo makuu matatu muhimu ya kupatiwa kipaumbele kuwa ni mosi; kurejesha umeme kwenye makazi, pili kutegua mabomu yaliyoko kwenye makazi ya watu na tatu, ni kuchechemua shughuli za kiuchumi ili maisha yaweze kuendelea na kwamba Umoja wa Mataifa uko tayari kusaidia.
Mkuu wa masuala ya kibinadamu na mratibu wa misaada ya dharura wa Umoja wa Mataifa Martin Griffiths ameanza ziara ya siku nne nchini Ukraine ambapo anatarajia kukutana na viongozi wa serikali, washirika wa misaada ya kibinadamu na wananchi walioathirika na vita nchini humo.
Kamishina mkuu wa haki za binadamu wa Umoja wa Mataifa Volker Türk amehitimisha ziara ya siku nne nchini Ukraine na kuzungumza na waandishi wa habari leo mjini Kyiv.
Kamishna Mkuu wa Umoja wa Mataifa wa Haki za Kibinadamu Volker Türk ameanza ziara ya siku nne nchini Ukraine hapo jana Jumapili Desemba 4 kwa mwaliko wa Serikali ya nchi hiyo akiwa ameongozana na wafanyakazi wa ofisi yake wanaohusika na kufuatilia masuala ya haki za binadamu.
Katibu Mkuu wa Umoja wa Mataifa Antonio Guterres amekaribisha kwa moyo mkunjufu tangazo la Urusi la kurejea kwenye ushiriki wa makubaliano ya kusafirisha nafaka kupitia Bahari Nyeusi au Black Sea Grain Initiative, ikiwa ni siku nne tangu itangaze kusitisha ushiriki wake.
