Wanawake wawili wanaohusika katika shughuli za kila siku za shirika la Umoja wa Mataifa la huduma za anga za kibinadamu, linayojulikana kama UNHAS nchini Haiti, wanasema wanapaswa kukabili hatari na msongo wa mawazo ili kufanya ndege hizo ziendelee kuruka.
Kufuatia tathmini za kina nchini Malawi na Msumbiji, Timu huru ya Tathmini ya Kukabiliana na Mlipuko wa Polio (OBRA) leo Mei 14 imependekeza kufikia ukomo wa mlipuko wa virusi vya polio aina ya 1 (WPV1) nchini Malawi na Msumbiji, kuashiria hatua muhimu katika mapambano dhidi ya polio katika eneo la Afrika.
Katibu Mkuu wa Umoja wa Mataiafa Antonio Guterres amesikitishwa na kuongezeka kwa shughuli za kijeshi ndani na karibu na eneo la Rafah zinazofanywa na jeshi la Israeli.
Eneo kubwa la mji wa Gaza sasa limekuwa “Mji uliotelekezwa” yameripoti mashirika ya Umoja wa Mataifa ya misaada ya kibinadamu hii leo jumanne wakati takriban wananchi wa Gaza 450,000 wakilazimishwa kuondoka eneo hilo kuelekea eneo la kusini zaidi mwa mji kufuatia amri ya kuondoka iliyotolewa na Israel wiki iliyopita.
Jukwaa la 5 la Kimataifa kuhusu uwekezaji kwa wajasiriamali likianza huko Manama, Bahrain washirki wameweka bayana ni kwa jinsi gani wanatekeleza wito wa Umoja wa Mataifa wa kuchochea ugunduzi na ujasiriamali kama njia mojawapo ya kufanikisha ukuaji uchumi na hatimaye kusongesha malengo ya maendeleo endelevu, SDGs.
Licha ya juhudi zinazoendelea kufanyika ulimwenguni kwa takriban miongo miwili zaidi ya aina 4,000 za wanyamapori wenye thamani bado wanakabiliwa na ujangili kila mwaka, hii ni kulingana na ripoti mpya ya shirika la Umoja wa Mataifa la dawa na uhalifu, UNODC.
Mfanyikazi wa Idara ya Usalama na Ulinzi ya Umoja wa Mataifa (DSS) amefariki na mwingine kujeruhiwa wakati gari lao la Umoja wa Mataifa liliposhambuliwa walipokuwa wakisafiria kwenda Hospitali ya Europe huko Rafah, Gaza hii leo Jumatatu.
Mateso ya raia nchini Yemen, ambayo yamedumu kwa takriban muongo mmoja wa vita, bado ni makali na yanazidishwa na mlipuko wa kipindupindu, ameonya leo afisa mkuu wa Umoja wa Mataifa wa masuala ya kibinadamu.
Naibu Mkurugenzi Mtendaji wa shirika la Umoja wa Mataifa la kuhudumia watoto UNICEF anayehusika na shughuli za kibinadamu na operesheni za Ugavi, Ted Chaiban, amehitimisha ziara ya siku tano mashariki mwa Jamhuri ya Kidemokrasia ya Congo DRC, ambako alikutana na mamlaka na kujionea athari mbaya za kuongezeka kwa migogoro kwa watu walio hatarini, haswa wanawake na watoto.
Takriban watu 360,000 wamekimbia eneo la Rafah katika wiki iliyopita huku kukiwa na mashambulizi yanayoendelea ya wanajeshi wa Israel ambayo yamelemaza uwasilishaji wa misaada ya kibinadamu na inaaminika yamemuua mfanyakazi wa Umoja wa Mataifa, limesema leo shirika la Umoja wa Mataifa la wakimbizi wa Kipalestina, UNRWA.
