Habari Mpya

Katika hatua ya kihistoria, Mkutano wa 77 wa Dunia kuhusu Afya (WHA77), ambao ni mkutano wa kila mwaka wa nchi wanachama 194 wa Shirika la Umoja wa Mataifa la Afya Ulimwenguni, leo umekubali fungu la marekebisho muhimu ya Kanuni za Afya za Kimataifa (2005) (IHR) na kutoa ahadi madhubuti za kukamilisha ndani yam waka mmoja mazungumzo kuhusu makubaliano juu ya janga la afya la kimataifa ndani ya mwaka, ikiwezekana mapema iwezekavyo.

Mbobezi wa masuala ya elimu kutoka Malaysia Profesa Dkt. Selvaraj Oyyan amesema iwapo kasi ya sasa  ya matumizi ya Akili Mnemba au AI haitapatiwa usimamizi wa kutosha, basi siku zijazo kati ya miaka 10 au 15 dunia itakuwa na watu wenye fikra na mtazamo mmoja kwani mashine zitakuwa zinafanya kila kitu.

Wahudumu wa kibinadamu wa Umoja wa Mataifa nchini Jamhuri ya Kidemokrasia ya Congo (DRC) wanasema wana wasiwasi mkubwa kutokana na kuzorota kwa kutisha kwa hali ya kibinadamu huko Kivu Kaskazini, mashariki mwa nchi, Msemaji wa Katibu Mkuu wa Umoja wa Mataifa amewaeleza wanahabari leo Mei 31 jijini New York, Marekani.

Katika siku ya kupinga matumizi ya tumbaku duniani, shirika la afya la Umoja wa Mataifa duniani WHO na kampuni ya kimataifa ta STOP inayofuatilia masuala ya tumbaku wamezindua wamezindua ripoti "Kuunganisha kizazi kijacho," ripoti inayoangazia jinsi tasnia ya tumbaku na nikotini husanifu bidhaa, kutekeleza kampeni za uuzaji na kufanya kazi kuunda mazingira ya sera ili kuwachagiza vijana wa ulimwengu kuwa waraibu.

Nchini Haiti mapigano yanayohusisha matumizi ya silaha kutoka vikundi vilivyojihami yamesababisha watoto nao kutumikishwa kwenye vikundi hivyo limesema shirika la Umoja wa Mataifa la kuhudumia watoto UNICEF.

Njaa nchini Sudan “imekaribia sana” ikiwa mashirika ya misaada yataendelea kuzuiwa kutoa msaada, wameonya wahudumu wa misaada wa Umoja wa Mataifa leo Mei 31.

Wakati jeshi la Israel likiendelea na mashambulizi yake ya anga na mashambulizi ya ardhini huko Rafah, kusini mwa Ukanda wa Gaza, wakazi wa eneo la Palestina linalokaliwa wanapokea msaada kidogo sana kiasi kwamba watoto zaidi na zaidi wanakufa kwa njaa, yameonya leo mshirika ya misaada ya kibinadamu ya Umoja wa Mataifa.

Nchini Kenya Shirika la Umoja wa Mataifa la Kuhudumia Watoto (UNICEF) kupitia mradi unofahamika kama GIGA, kwa ushirikiano na Wizara ya Elimu, wameunganisha wanafunzi zaidi ya 257,000 kwenye mtandao wa Intaneti, wakiwemo wanafunzi 7,690 wenye mahitaji maalum, na pia mafunzo ya kidijitali kwa maelfu ya walimu.

Kamishina Mkuu wa Haki za binadamu wa Umoja wa Mataifa Volker Türk leo ameelezea wasiwasi mkubwa kufuatia ongezeko la hivi karibuni la mauaji ya raia nchini Burkina Faso, huku kukiwa na madai pande zote, makundi yenye silaha na serikali kuhusika na mauaji hayo.

Mwongozo wa kuelekea kufikia ustawi thabiti kwa nchi za visiwa vidogo uliopitishwa leo Mei 30 huko Antigua na Barbuda "unaashiria mwanzo wa safari mpya" amesema Naibu Katibu Mkuu wa Umoja wa Mataifa.