Mratibu wa mfuko wa dharura wa Umoja wa Mataifa CERF bwana Martin Griffiths, leo ametangaza kutenga dola milioni 10 kutoka kwenye mfuko huo kwa ajili ya kuwasaidia wanaume, wanawake na watoto wanaokimbia Sudan na kuingia katika nchi jirani ya Sudan Kusini.
Shirika la Afya la Umoja wa Mataifa Duniani WHO leo limezindua ombi la dola bilioni 1.5 kulinda afya ya watu walio hatarini zaidi katika dharura 41 kote ulimwenguni kwa mwaka 2024.
Takriban miaka miwili sasa tangu majeshi ya Urusi yaanzishe "vita kamili na kuikalia Ukraine, amesema leo mkuu wa Umoja wa Mataifa wa misaada ya kibinadamu na masuala ya dharura Martin Griffiths akitoa ombi la dharura la pamoja na shirika la Umoja wa Mataifa la kuhudumia wakimbizi UNHCR la dola bilioni 4.2 ili kuwasaidia walio hatarini nchini Ukraine.
Ukanda wa Gaza, hospitali nyingi hazina wahudumu wa kutosha kwani wafanyakazi wa sekta ya afya wameondoka kwa sababu ya maagizo ya kuhama au ukosefu wa usalama. Wakati huo huo, njia ambazo zingetumiwa na wagonjwa kufika katika vituo vya afya zimetatizwa na hali mbaya ya usalama.
Zikiwa ni zaidi ya siku 100 tangu kuibuka upya kwa mzozo huko Mashariki ya Kati, mashirika ya Umoja wa Mataifa hii leo yametoa taarifa inayoelezea kuongezeka kwa hatari ya baa la njaa na milipuko ya magonjwa ya kuambukiza huku yakisisitiza muarobaini pekee kwa sasa ni kuruhusu njia mpya za kuingiza misaada ya kwenda kutatua changamoto zinazowakabili wananchi walioko Gaza.
Shirika la chakula na kilimo la Umoja wa Mataifa FAO limewapiga jeki wafugaji wa nyuki na usindikaji wa mazao ya asali wilayani Nakapiripirit katika jimbo la Karamoja nchini Uganda. Kwa msaada wa vifaa na mafunzo kutoka kwa shirika hilo maisha ya wakulima wa asali wa eneo hilo na familia zao yamebadilika.
Mwakilishi Maalum wa Katibu Mkuu wa Umoja wa Mataifa nchini Jamhuri ya Kidemokrasia ya Congo DRC na Mkuu wa wa mpango wa Umoja wa Mataifa nchini humo MONUSC, Bi Bintou Keita na Naibu Waziri Mkuu, na Waziri wa Mambo ya nje Francophonie Christophe Lutundula walithibitisha jana Jumamosi Januari 13, dhamira ya vyombo hivyo viwili kufanya kazi kwa pamoja kwa mchakato wa kuondoka kwa MONUSCO nchini DRC kwa njia ya maendeleo, kuwajibika, heshima na kwa MONUSCO kuwa mfano wa kuigwa.
Katika mahojiano maalum na UN News kupitia njia ya simu yaliyofanyika kutoka Jerusalem leo Januari 13 Jamie McGoldrick, Naibu Mratibu Maalum wa Muda na Mratibu Mkazi, wa Ofisi ya Mratibu Maalum wa Umoja wa Mataifa kwa ajili ya mchakato wa amani ya Mashariki ya Kati UNSCO, amesema, "kuna hali ya mshtuko na kiwango cha kukata tamaa. Na nadhani kuna hali ya kutokuwa na tumaini huko pia, kwa sababuwatu wa Gaza hawaoni hatua yoyote kwa kile wanachokikabili mbele yao.”
Afrika Kusini imeweka wazi kesi yake ikiishutumu Israel kwa kukiuka Mkataba wa Mauaji ya Kimbari, ikiashiria hali ya sasa katika eneo lililozingirwa na kughubikwa na mabomu la Ukanda wa Gaza, ambalo ni makazi ya Wapalestina milioni 2.3.
Mafuriko yaliyoenea kutokana na mvua kubwa isiyo ya kawaida katika Jamhuri ya Congo na Jamhuri ya Kidemokrasia ya Congo (DRC) yamesababisha athari kubwa kwa watu na mali zao.
