Habari Mpya

Taarifa iliyotolewa na mfuko mkuu wa dharura wa Umoja wa Mataifa CERF mjini Yaounde, Cameroon, inaelezwa kuwa Mkuu wa masuala ya kibinadamu na misaada ya dharura wa Umoja wa Mataifa Martin Griffiths ameidhinisha kutengwa kwa Dola za Marekani milioni 6 kutoka katika mfuko huo ili kutoa msaada wa kuokoa maisha na ulinzi kwa watu walioathiriwa na majanga ya kibinadamu nchini Cameroon.

Katika kusaidia jamii hususan za vijijini kukabiliana na athari za mabadiliko ya tabianchi, Shirika la Umoja wa Mataifa la Chakula na Kilimo FAO nchini Somalia linatekeleza mradi wa kisasa wa kuvuna na kuhifadhi maji ili kuweza kuwasaidia wananchi wa vijiji vitatu ambao wanajishughulisha na kilimo na ufugaji.

Uganda hii leo imetangaza kutokomeza mlipuko wa ugonjwa wa Ebola uliosababishwa na virusi aina ya Sudan, ikiwa ni chini ya miezi minne tangu kuthibitishwa kwa mgonjwa wa kwanza kwenye wilaya ya Mubende nchini humo 20 mwezi Septemba mwaka jana. Taarifa ya Thelma Mwadzaya inafafanua zaidi. 

Nchini Jamhuri ya Kidemokrasia ya Congo, DRC, ujumbe wa Umoja wa Mataifa wa kulinda amani nchini humo, MONUSCO umeendelea na doria mpya kwenye eneo la Roe-Drodro kwenye mji wa Djugu jimboni Ituri kufuatia mfululizo wa mashambulizi kutoka wanamgambo wa CODECO. 

Takribani watoto milioni 5 walikufa kabla ya kusherehekea mwaka wao wa tano wa kuzaliwa, ilihali watoto wengine milioni 2.1 pamoja na vijana wenye umri wa kati ya miaka 5 hadi 24 walikufa mwaka 2021. 

Mkuu wa masuala ya kibinadamu na misaada ya dharura wa Umoja wa Mataifa Martin Griffiths, leo ametangaza kutenga dola milioni 3.5 kutoka mfuko mkuu wa dharura wa Umoja wa Mataifa (CERF) ili kusaidia zaidi ya watu 38,000 walioathiriwa na uhaba wa chakula nchini Burundi. 

Serikali ya Irani inatumia kesi na hukumu ya kifo kama silaha ya kuwaadhibu waandamanaji na kuwatia hofu hatua ambayo ni ukiukaji wa sheria za kimataifa za haki za binadamu, amesema leo kamishina mkuu wa haki za binadamu Vulka Turk. 

Nchini Rwanda Umoja wa Mataifa unashirikiana na serikali kuimairisha huduma za uzazi ili hatimaye kuhakikisha kila uzazi unakuwa salama si tu kwa mama bali pia mtoto anayezaliwa. Kupitia mradi uliofadhiliwa na TAKEDA, kampuni hii ya utafiti na dawa duniani, Rwanda imeweza kuimarisha huduma kwenye hospitali na vituo vya afya.

Tarehe 24  mwezi  huu wa Januari ni siku ya elimu duniani ikimulika mafanikio na changamoto za kufanikisha lengo namba 4 la kufanikisha elimu bora kwa kila mtu kokote aliko. Elimu bora ni pamoja na vifaa vya ikiwemo madaftari, vitabu na kalamu ambako kwa watoto wengine bado vinasalia kuwa anasa.

Malori yanayosafirisha kutoka Uturuki shehena za vyakula, dawa na misaada mingine muhimu inayohitajika nchini kaskazini-magharibi mwa Syria, yataendelea kutoa huduma hiyo baada ya Baraza la Usalama la Umoja wa Mataifa kupitisha kwa kauli moja azimio la kuongeza muda wa mpango huo.