Nchini Uganda katika mji wa Hoima, kampuni moja imechukua hatua ya kutekeleza wito wa Umoja wa Mataifa wa kuchukua hatua kwa tabianchi kwa kuondokana na taka za plastiki zinazoharibu mazingira kwa kuzirejeleza katika njia ambayo siyo tu inasafisha mazingira bali pia inaleta kipato kwa waajiriwa wakiwemo wanawake na vijana.
Akihiiitmisha ziara ya siku mbili nchini Burundi, Kamishna Mkuu wa Shirika la Umoja wa Mataifa la kuhudumia wakimbizi, UNHCR, Filippo Grandi, amepongeza juhudi zilizofanywa kusaidia wakimbizi kupata suluhu ya muda mrefu katika taifa hilo ambalo ni kiini cha ukanda wa Maziwa Makuu.
Kuporomoka kwa uwezo wa fedha kwa mashirika mengi ya umma ya vyombo vya habari duniani kote ni moja ya athari mbaya zaidi za janga la ugonjwa wa Corona au COVID-19, amesema Katibu Mkuu wa Umoja wa Mataifa António Guterres hii leo katka tukio lililofanyika na kuungwa mkono na Umoja wa Mataifa kwa lengo la kupigia chepuo sekta hiyo kuelea siku ya uhuru wa vyombo vya Habari duniani tarehe 3 mwezi ujao wa Mei.
Baraza Kuu la Umoja wa Mataifa leo limekuwa na kikao rasmi cha kumuenzi na kumkumbuka Rais wa 5 wa Tanzania Dkt. John Magufuli aliyefariki dunia tarehe 17 mwezi uliopita.
Ikiwa kesho Aprili 14 ni siku ya ugonjwa wa Chagas, shirika la kimataifa la kufanikisha uwepo wa tiba nafuu duniani, Unitaid linaloratibiwa na shirika la afya la Umoja wa Mataifa WHO, limesema uwepo wa Covid-19 umefanya hali kuwa mbaya zaidi kwa hali ambayo tayari ilikuwa mbaya kutokana na ugonjwa wa Chagas.
