Shirika la Umoja wa Mataifa la kuhudumia wakimbizi, UNHCR na serikali ya Kenya wamekubaliana juu ya mustakabali wa kambi za wakimbizi za Kakuma na Dadaab nchini humo kwa kuridhia kuunda kamisheni ya pamoja ya kutoa majawabu ya masuala ya msingi kuhusu hatma ya wakimbizi.
Umoja wa Mataifa umelaani kitendo cha makundi ya vijana kushambulia wafanyakazi wa mashirika ya Umoja wa Mataifa na yale yasiyo ya kiserikali kwenye mji wa Torit jimboni Equitoria Mashariki juzi Jumatano.
Mashirika ya Umoja wa Mataifa lile la uhamiaji duniani, IOM na la kuhudumia wakimbizi, UNHCR leo yameelezea wasiwasi wake kuhusu ongezeko la machafuko katika jimbo la Cabo Delgado yanayopelekea watu kuendelea kukimbia makwao.
Siku ya kimataifa ya Jazz ikiadhimishwa leo kote duniani Katibu Mkuu wa Umoja wa Mataifa Antonio Guterres amesema maadhimisho hayo yamekuwa faraja na furaha sio tu kwa kuenzi muziki huo bali kwa uhuru, utofauti wetu na utu wa binadamu.
Nchini Burundi, Dany Kasembe, mwenye ulemavu wa mguu, ameamua kuwashirikisha wenzake katika kuutekeleza wito wa Umoja wa Mataifa kwa vitendo, wito ambao unataka uwepo wa dunia ambayo watu wote wana uwezo wa kupata fursa sawa na pia ujumuishwaji wa watu wenye ulemavu katika jamii ikiwemo katika hatua za kukabiliana na kujikwamua na janga la corona au COVID-19.
Mfanyikazi wa Umoja wa Mataifa nchini India ameelezea kuongezeka kwa kiasi kikubwa kwa maambukizi ya virusi vya corona au COVID-19 ambako ni nchini mwaka katika siku za hivi karibuni kama ni "tsunami", na amezungumzia "hofu" aliyohisi, wakati familia yake ya karibu ilipoambukizwa virusi hivyo.
Nchini Uganda katika mji wa Hoima, kampuni moja imechukua hatua ya kutekeleza wito wa Umoja wa Mataifa wa kuchukua hatua kwa tabianchi kwa kuondokana na taka za plastiki zinazoharibu mazingira kwa kuzirejeleza katika njia ambayo siyo tu inasafisha mazingira bali pia inaleta kipato kwa waajiriwa wakiwemo wanawake na vijana.
Hali ya ukame kupita kiasi huko kusini mwa Madagascar inazidi kutishia mamia ya maelfu ya wakazi wa eneo hilo kukumbwa na baa la njaa, limeonya shirika la Umoja wa Mataifa la mpango wa chakula duniani, WFP katika taarifa yake iliyotolewa leo kwenye mji mkuu wa nchi hiyo, Antananarivo.
Shirika la Umoja wa Mataifa la mpango wa chakula duniani WFP leo limekaribisha mchango wa tani 4,500 za mchele kutoka Jamhuri ya Korea za kuwasaidia kwa chakula wakimbizi 392,000 wa Sudan Kusini wanaohifadhiwa nchini Uganda.
Akihiiitmisha ziara ya siku mbili nchini Burundi, Kamishna Mkuu wa Shirika la Umoja wa Mataifa la kuhudumia wakimbizi, UNHCR, Filippo Grandi, amepongeza juhudi zilizofanywa kusaidia wakimbizi kupata suluhu ya muda mrefu katika taifa hilo ambalo ni kiini cha ukanda wa Maziwa Makuu.
