Hizi ni sauti za baadhi ya waliofurushwa katika makazi yao katika jimbo lenye utajiri mkubwa wa mafuta, Cabo Delgado kaskazini mwa Msumbiji. Watu hawa kwa takribani miaka saba wamevumilia unyanyasaji unaotekelezwa na makundi yenye silaha.
Mashambulizi makubwa yanayofanywa na Israeli dhidi ya Gaza kufuatia mashambulizi ya kigaidi yaliyofanywa na wanamgambo wa kipalestina wa Hamas dhidi ya taifa hilo yamejumuisha makombora yaliyorushwa moja kwa moja dhidi ya shule 212 kwenye eneo hilo lililozingirwa, umeonesha uchambuzi mpya uliofanywa kwa pamoja kati ya Umoja wa Mataifa na wadau wake.
Nimeshuhudia njaa mara nyingi sana wakati wa utoto wangu, kabla ya kwenda shule tulikuwa na njaa na kabla ya kulala tulikuwa na njaa, ndivyo asemavyo mwanamuziki Innocent Balume, al maaruf Innoss’B ambaye ametangazwa kuwa muungaji mkono wa ngazi ya juu wa shirika la Umoja wa Mataifa la Mpango wa Chakula duniani, WFP katika kusongesha milo yenye afya na lishe bora nchini mwake Jamhuri ya Kidemokrasia ya Congo.
.jpg/image350x235cropped.jpg "Mtoto kutoka Mtedera Zambia akipweza chanjo ya kipindupindu.")
Juhudi na ushirikiano wa pamoja wa wahudumu wa afya, vituo na Jamii, vimefanikisha kukomesha mlipuko wa kipindupindu uliozuka nchini Zambia kwa mujibu wa Shirika Umoja wa Mataifa la Afya Duniani WHO nchini Zambia, ambalo limeeleza kwamba ugunduzi wa mapema na matibabu husaidia kukabiliana na ugonjwa huo na kupunguza matukio na vifo.
Vikwazo vinavyoendelea vya Israel na marufuku yake mpya ya kuwasilisha misaada kwa shirika kubwa la Umoja wa Mataifa la msaada kwa wakimbizi wa Kipalstina UNRWA huko Gaza tayari vina athari kubwa, amesema mratibu wa muda wa Umoja wa Mataifa katika eneo linalokaliwa la Palestina.
Mgogoro mbaya huko Gaza umeendelea, pamoja na vurugu za kila siku katika Ukingo wa Magharibi unaokaliwa, amesema Tor Wennesland, Mratibu Maalum wa Umoja wa Mataifa kwa Mchakato wa Amani ya Mashariki ya Kati akihutubia Baraza la Usalama leo (26 Machi) jijini New York, Marekani.
Ripoti ya Katibu Mkuu wa Umoja wa Mataifa kuhusu Hatua Maalum za Ulinzi dhidi ya Ukatili na Unyanyasaji wa Kingono imewekwa wazi hii leo.
Katika wahamiaji wote wanaofariki njiani, mhamiaji mmoja kati ya watatu anatoka katika nchi au eneo lenye mgogoro, limesema shirika la Umoja wa Mataifa la uhamiaji, IOM, hii leo likiongeza kuwa zaidi ya wahamiaji wawili kati ya watatu ambao vifo vyao vimerekodiwa bado hawajatambuliwa.
Shirika la Umoja wa Mataifa la Kuhudumia wakimbizi (UNHCR) limetoa wito wa kuchukuliwa hatua za haraka kutokana na ongezeko la hatari kwa watu waliokimbia makazi yao mashariki mwa Jamhuri ya Kidemokrasia ya Congo DRC.
Wakati uhasama mkali huko Gaza ukiendelea kati ya wapiganaji wa Hamas na vikosi vya Israeli, mashirika ya Umoja wa Mataifa ya misaada ya kibinadamu yamesema "makumi ya watoto wameuawa usiku mmoja" na vizuizi vinavyoendelea vya utoaji wa misaada vinachangia uwepo wa hali inayokaribiana na uwepo wa baaa la njaa.
