Habari Mpya

Muda mfupi baada ya Mahakama ya Kimataifa ya Haki, ICJ huko The Hague, Uholanzi kupitisha uamuzi wa kuitaka Israel pamoja na mambo mengine ichukue hatua zote chini ya uwezo wake wote ku kuepusha mauaji ya kimbari dhidi ya wapalestina huko Ukanda wa Gaza na kuhakikisha misaada ya kiutu inaingia, Katibu Mkuu wa Umoja wa Mataifa Antonio Guterres ametambua uamuzi huo. 

Mkurugenzi Mkuu wa Shirika la Umoja wa Mataifa la Uhamiaji, IOM Amy Pope amesema hali ya kutisha inayokumba zaidi ya watu milioni 10 waliofurushwa kwenye makazi  yao nchini Sudan kutokana na mapigano haipaswi kupuuzwa. Taarifa ya IOM iliyotolewa leo Geneva, Uswisi na Port Sudan nchini Sudan imemnukuu akieleza kwamba watu milioni 10.7 sasa wamekimbia makazi yao kutokana na migogoro nchini Sudan, na kati yao hao, milioni tisa wamo  ndani ya nchi hiyo kulingana na takwimu mpya kutoka IOM. 

Kuelekeea siku ya kumbukumbu ya waliofariki katika mauaji ya maangamizi makubwa au Holocaust dhidi ya wayahudi hapo kesho 27 Januari Katibu Mkuu wa Umoja wa Mataifa Antonio Guterres amekumbusha kuwa mauaji hayo yaliyoanza mwaka 1941- 1945 yalitanguliwa na maelfu ya miaka ya ubaguzi, watu kufukuzwa, kuhamishwa na kuangamizwa na kwamba vitendo kama hivyo sasa vinaenea ulimwenguni. 

• Katibu Mkuu ataka uchunguzi ufanyike haraka
• Watakaobainika wafukuzwe kazi na wafunguliwe mashtaka
• Marekani yasitisha kwa muda msaada wa fedha UNRWA

Kamishna Mkuu wa Ofisi ya Umoja wa Mataifa ya Haki za Binadamu, Volker Türk amesikitishwa na mauaji ya Kenneth Eugene Smith mkazi wa Alabama nchini Marekani yaliyofanyika kwa kutumia gesi ya Nitrojeni hypoxia.

Mahakama ya Kimataifa ya Haki, ICJ hii leo imeamua kuwa Israel lazima ichukue hatua zote za kuzuia vitendo vya mauaji ya kimbari katika mashambulizi yake dhidi ya wapalestina huko, Gaza, uamuzi unaofuatia shauri lililowasilishwa na Afrika Kusini la kutaka Mahakama hiyo ya Umoja wa Mataifa ichukue hatua za awali kwa mujibu wa Mkataba wa kimataifa wa kuepusha mauaji ya kimbari wa mwaka 1948. 

Kilimo ni moja ya shughuli za kibinadamu zinazochangia katika uchafuzi wa hewa. Kwa kulitambua hilo, FAO kote ulimwenguni inachagiza kile inachokiita kwa lugha ya kiingereza Bioeconomy yaani uchumi ambao msingi wake unatokana na matumizi ya rasilimali za kibayolojia zinazopatikana kwenye mazingira; kwa mfano kurejesha taka katika uzalishaji wa nishati safi, mbadala wa mafuta ya kisukuku. Kupitia harakati hizo, FAO inasaidia wakulima kuongeza mapato, kupunguza uzalishaji wa hewa chafuzi na kuchangia kupunguza taka ulimwenguni kwa kubadilisha mifumo ya zamani ya kilimo ambayo ilikuwa inachangia kuharibu mazingira.

Leo ni siku ya kimataifa ya nishati safi yakiwa ni maadhimisho ya kwanza kabisa tangu siku hii kupitishwa na Baraza Kuu la Umoja wa Mataifa tarehe 23 Agosti mwaka 2023.

Ijumaa ya tarehe 26 mwezi huu wa Januari mwaka 2024 huko The Hague, Uholanzi, Mahakama ya Kimataifa ya Haki inatoa uamuzi juu ya shauri la Afrika Kusini la kuitaka itoe agizo juu ya ombi lake la kutaka ichukue hatua za awali dhidi ya Israel kutokana na mashambulizi yake huko Gaza dhidi ya wapalestina.

María Isabel Salvador, Mwakilishi maalum wa Katibu Mkuu wa Umoja wa Mataifa nchini Haiti leo Januari 25, jijini New York, Marekani amelieleza Baraza la Usalama kwamba nchi hiyo inaendelea kuharibiwa na kuongezeka kwa ghasia za magenge yenye silaha.