Katika Neno la Wiki hii leo tunaangazia neno “Mtambuka” na mchambuzi wetu ni Onni Sigalla, Mhariri Mwandamizi, katika Baraza la Kiswahili la Taifa, BAKITA, nchini Tanzania.
Bwana Sigalla anasema ili kupata maana ya neno Mtambuka, lazima tuachambue maana ya neno "Tambuka", ungane naye upate huo uchambuzi, kisha upate kufahamu maana ya Mtambuka..
Tujifunze Kiswahili, je wafahamu neno "Simulina maana ngapi? Ungana na mchambuzi wetu Onni Sigalla, mhariri mwandamizi kutoka Baraza la Kiswahili la taifa nchini Tanzania BAKITA akizifafanua.
Katika Neno la Wiki hii leo tunaangazia neno “Mkumbizi” na mchambuzi wetu ni Onni Sigalla, Mhariri Mwandamizi, katika Baraza la Kiswahili la Taifa, BAKITA, nchini Tanzania.
Bwana Sigalla anasema neno hili lina maana zaidi ya moja, kwanza mtu anayesafisha mahali na kuondoa takataka, watu wengi wanamuita mfanyakazi lakini neno sahihi ni Mkumbizi. Pili ni mtu afuataye wavunaji shambani na kuokota mavuno yaliyosalia kwa bahati na kutumia kama chakula chake.
Katika Neno la Wiki hii leo tunaangazia neno “Yamini” na mchambuzi wetu ni Onni Sigalla, Mhariri Mwandamizi, katika Baraza la Kiswahili la Taifa, BAKITA, nchini Tanzania. Bwana Sigalla anasema neno "Yamini" lina maana zaidi ya moja, Mosi, yamini ni kiapo, pili, yamini ni mkono wa mtu wa upande wa kulia au mkono wa kuume na yamini pia ni ahadi aitoayo mtu ya kutenda haki au kuficha siri baada ya kupewa wadhifa fulani..
Katika Neno la Wiki hii leo tunaangazia maneno mawili, moja ni treni ambalo linafahamika sana na pili ni tafsiri ya neno Standard Gauge Railway au SGR ambalo limeshika kasi sasa ukanda wa Afrika Mashariki kutokana na ujenzi wa reli hiyo unaoendelea hivi sasa. Mchambuzi wetu ni Onni Sigalla, mhariri mwandamizi katika Baraza la Kiswahili la Taifa nchini Tanzania, BAKITA.
Yeye anasema SDR kwa kiswahili sanifu tuite reli ya kisasa.
Katika neno la wiki hii leo tunaangazia neno "Bumbuwazi". Mchambuzi wetu ni Nuhu Zuberi Bakari, ambaye ni Naibu Mwenyekiti wa masuala ya mawasiliano kwenye Chama cha Kiswahili cha Taifa nchini Kenya, CHAKITA .
Bwana Nuhu anasema unapopigwa na butwaa ama kupatwa na mshangao, hadi ukawa huwezi kuongea hata neno moja basi utakuwa umepigwa na bumbuwazi.
Wiki hii tunaangazia neno “Mlaso” na mchambuzi wetu ni Onni Sigalla, Mhariri Mwandamizi, katika Baraza la Kiswahili la Taifa, BAKITA, nchini Tanzania.
Bwana Sigalla anasema Mlaso ni aina ya chakula kinachoandaliwa mama ambaye amejifungua ili aweze kuwa na maziwa ya kutosha na kurudisha afya yake. Maeneo mengine huchanganya chakula hicho aghalabu na damu au maziwa.
