Umoja wa Mataifa unasema wananchi milioni 23.4 sawa na robo ya wananchi wote takriban milioni 96 wa Jamhuri ya Kidemokrasia Kongo DRC, wanakabiliwa na njaa. Wengi wa wananchi hao wanaishi katika hali duni na yenye msongamano wa watu wasio na uwezo wa kupata chakula, huduma za afya na elimu.
Haiti iko katika hali mbaya ya mgogoro wa kibinadamu, na karibu nusu ya idadi ya watu wana uwezekano wa kukabiliwa na uhaba mkubwa wa chakula, kulingana na uchambuzi wa hivi karibuni wa Uainishaji wa Uhakika wa Chakula (IPC). Shirika la Umoja wa Mataifa la Chakula na Kilimo (FAO) linatahadharisha kuhusu athari mbaya ikiwa hatua za haraka hazitachukuliwa kushughulikia sababu kuu za mgogoro huu.
Mkuu wa operesheni za masuala ya kibinadamu wa Umohja wa Mataifa, Martin Griffiths, leo ameangaza kwamba anajiuzulu kazi yake kwa sababu za kiafya.
Utafiti mpya uliotolewa na Kamati ya Umoja wa Mataifa ya Maendeleo ya Biashara, UNCTAD inaonesha Tanzania kuwa inaongoza barani Afrika kwa kilimo na uuzaji nje ya nchi wa zao la mwani, huku wanawake wakulima wa zao hilo nchini Kenya wakiwa mstari wa mbele kuondokana na matumizi ya Kamba za plastiki katika kilimo cha zao hilo linalozidi kupata umaarufu duniani kila uchao kutokana na faida zake za kiafya.
Baraza la Usalama la Umoja wa Mataifa leo Jumatatu limepitisha azimio la kutaka kusitishwa kwa mapigano mara moja kwa mwezi huu mtukufu wa Ramadhani, kuachiliwa mara moja na bila masharti kwa mateka wote waliosalia na haja ya dharura ya kupanua wigo wa uingizaji wa misaada katika Ukanda wa Gaza.
Wakati njaa ikizidi kuidhoofisha Gaza, Katibu Mkuu wa Umoja wa Mataifa António Guterres leo amerejea wito wake wa usitishaji mapigano wa kudumu kwa mzozounaoendelea Gaza na kuachiliwa huru kwa mateka wote waliosalia huku kukiwa na uharibifu usio na kifani na unaoendelea katika eneo hilo linalokaliwa la Palestina.
Ujumbe wa Umoja wa Mataifa nchini Sudan Kusini UNMISS kwakushirikiana na wadau wake wamefungua nyumba salama huko Andari Magharibi katika jimbo la Equatoria kwa ajili ya kusaidia manusura wa unyanyasaji wa kingono unaohusiana na migogoro nchini humo.
Ikiwa leo ni Siku ya Kimataifa ya Mshikamano na Wafanyakazi wa Umoja wa Mataifa Walio vizuizini na wasiofahamika waliko, Katibu Mkuu wa Umoja wa Mataifa Antonio Guterres ametoa wito kwa ulimwengu kuenzi ujasiri na kujitolea kwa wafanyakazi wanaotoa huduma za kibinadamu kila mahali kokote waliko kwa kuahidi kuwalinda na kuwaunga mkono wanaposaidia kujenga dunia yenye amani zaidi na ya utu kwa ajili ya watu wote.
Katibu Mkuu wa Umoja wa Mataifa António Guterres amekutana na kundi la wakimbizi wa Sudan, waliokimbia machafuko nchini mwao hivi karibini na kukimbilia kusaka hifadhi nchini Misri.
Mkuu wa shirika la Umoja wa Mataifa la kuhudumia wakimbizi wa Kipalestina UNWRA, Philippe Lazzarini, ametangaza kuwa Israel imelikataza shirika hilo kupeleka misaada ya kuokoa maisha kwa wenye uhitaji walioko Kaskazini mwa Gaza.
