Wakikabiliwa na "maendeleo ya kutisha katika majibishano ya risasi" kwenye siku za hivi karibuni katika mpaka baina ya Israel na Lebanon, kikosi cha muda cha Umoja wa Mataifa nchini Lebanon UNIFIL leo kimezitaka Hezbollah na jeshi la Israel kusitisha uhasama.
Rais wa Baraza Kuu la Umoja wa Mataifa Dennis Francis Pamoja na mambo mengine amesema Umoja wa Mataifa "sio tatizo" bali tatizo linatokana na kwamba baadhi ya nchi wanachama wa Umoja wa Mataifa wanahisi wanaweza kukiuka mkataba wa Umoja wa Mataifa watakavyo na kukiuka sheria za kimataifa bila kuadhibiwa.
Shirika la Umoja wa Mataifa la mawasiliano, ITU limetangaza hii leo kuwa sekta ya simu za mkononi au rununu imeahidi kuwekeza zaidi ya dola bilioni 9 kwa ajili ya kupanua mawasiliano na kuwaunganisha wananchi duniani kote.
Mashirika ya misaada ya Umoja wa Mataifa yanayofanya kazi Ukanda wa Gaza uliokumbwa na vita yameonyesha kusikitishwa sana leo kutokana na kuendelea kwa vizuizi vya upatikanaji wa misaada ya kibinadamu vilivyowekewa na jeshi la Israel, baada ya magari ya kubebea wagonjwa yaliyokuwa yamewabeba wagonjwa kutoka hospitali iliyoshambuliwa mwishoni mwa juma kusimamishwa kwa saa kadhaa huku wahudumu wa afya wakisakwa na kuswekwa kizuizini.
Wananchi waliokimbia makazi yao kutokana na vita inayoendelea nchini Sudan wanasaidiwa nchini Sudan Kusini na Shirika la Kimataifa la Uhamiaji IOM ambalo limeeleza zaidi ya watu nusu milioni wamevuka mpaka na kuingia eneo la Renk na sasa wanawapatia usaidizi wa usafiri ili kufika kwenye maeneo watakayopata usaidizi.
Mashirika ya Umoja wa Mataifa lile la afya duniani WHO na la kuhudumia wakimbizi duniani UNHCR leo yameonya kwamba athari zinazoletwa na magonjwa yasiyo ya kuambukiza kama vile saratani, magonjywa na mfumo wa hewa na kisukari kwa maisha ya watu duniani ni kubwa huku yakiwa ni chanzo cha asilimia 75 ya vifo vyote.
Nchini Sudan, Clementine Nkweta-Salami, ambaye ni naibu mwakilishi maalum wa Katibu Mkuu na mratibu mkazi na misaada ya kibinadamu nchini Sudan, Clementine Nkweta-Salami, ameelezea kusikitishwa kwake na ripoti za mashambulizi dhidi ya wafanyakazi wa kujitolea wanaofanya kazi na mashirika ya kiraia, ikiwa ni pamoja na mipango inayoongozwa na jamii inayojulikana kama Vyumba vya Kukabiliana na Dharura, Msemaji wa Katibu Mkuu wa Umoja wa Mataifa amewaeleza leo Waandishi wa Habari jijini New York, Marekani.
Shirika la Umoja wa Mataifa la msaada kwa wakimbizi wa Kipalestina UNRWA limesema msaada mdogo sana wa kibinadamu umeingia katika eneo lililozingirwa la Gaza mwezi huu, na kupunguzwa kwa asilimia 50 ikilinganishwa na Januari. alisema Jumatatu.
Baada ya utulivu wa muda mfupi wa ghasia, jana kumetokea mapigano mapya na makali kati ya kundi la waasi la M23 na wanajeshi wa DRC, magharibi mwa mji wa Sake huko Kivu Kaskazini, mashariki mwa nchi, umeeleza Ujumbe wa Umoja wa Mataifa wa kulinda amani MONUSCO.
Umewadia wakati ambapo nchi zote wanachama wa Umoja wa Mataifa zitapata fursa ya kuonesha kwamba vitendo vya mazingira vinaweza kuunganisha ulimwengu. Wakati huu ni Baraza la Umoja wa Mataifa la Mazingira, au Unea, ambalo mkutano wake wa sita utafanyika kati ya Februari 26 na Machi 1, 2024 Nairobi, Kenya.
