Ikiwa leo ni siku ya mtoto duniani, shirika la Umoja wa Mataifa la kuhudumia watoto UNICEF limetumia siku ya leo kuonesha ni kwa jinsi gani vijana wameamua kuchukua hatua kusongesha haki za msingi za mtoto ambazo ni kuishi, kuendelezwa, kulindwa na kushirikishwa.
Ili kuudhibiti ugonjwa wa Covid-19 unaosababishwa na virusi vya Corona, serikali ya Uganda imeamua kushirikiana zaidi na wadau mbalimbali yakiwemo makampuni ya mawasiliano na yale ya vinywaji katika juhudi za kuimarisha chanjo. Je, kampeni hiyo inatekelezwaje? Na mtazamo wa Waganda kuhusu chanjo hiyo ukoje sasa? Hii hapa taarifa iliyoandaliwa na mwandishi wetu wa Uganda John Kibego.
Kijana Mtanzania mpigapicha za mazingira Imani Nsamila ametangazwa kuwa mshindi wa Tuzo za Vijana za EU GCCA+ zinazolenga kuwasaidia wanahabari wachanga, waandishi na wapiga picha kusimulia taarifa au simulizi zenye nguvu za tabianchi kote ulimwenguni.
