Shirika la Umoja wa Mataifa la kuhudumia wakimbizi UNCHR lina wasiwasi mkubwa kutokana na matukio ya mauaji jimboni Ituri na Kivu Kusini katika wiki mbili zilizopita ambako jumla ya wakimbzi wa ndani 76 wameuawa na makumi kadhaa wamejeruhiwa.
Nchini Jamhuri ya Kidemokrasia ya Congo, DRC shirika la Umoja wa Mataifa la kuhudumia watoto, UNICEF linatumia mabalozi wake watoto ambao ni wachechemuzi kuhusu tabianchi kuelezea adha ambazo watoto wanapata kutokana na madhara ya tabianchi na nini wanataka kifanyike.
Kuelekea kilele cha siku ya UKIMWI Duniani Desemba 1, Shirika la Umoja wa Mataifa la kufanikisha upatikanaji wa dawa za tiba kwa gharama nafuu, UNITAID limesema usumbufu na ucheleweshaji wa huduma za VVU unaosababishwa na janga la COVID-19 ulisababisha kupungua kwa vifaa vya upimaji na utambuzi wa VVU kwa kiwango kikubwa ambacho hakijawahi kuonekana ndani ya miongo miwili.
Kuanzia Januari mosi mwaka 2022 kama kuna nchi au shirika la kimataifa linataka kutoa msaada wa chanjo za Corona au COVID-19 barani Afrika, basi linapaswa kufuata masharti kadhaa yaliyotolewa leo na Muungano wa Afrika AU kwa kushirikiana na mashirika mengine tanzu kama vile kituo cha Afrika cha kudhibiti magonjwa CDC na GAVI COVAX na AVAT yenye jukumu kuu la uwakala mkuu wa ununuzi kwa niaba ya AU.
Virusi vipya vya COVID-19, Omicron vimedhihirisha kwa nini ulimwengu unahitaji makubaliano mapya kuhusu magonjwa ya milipuko kwani mfumo wetu wa sasa unapuuza suala la nchi kutadhaharisha wengine kuhusu vitisho ambavyo vinaweza kuwakumba amesema mkurugenzi Mkuu wa shirika la afya duniani WHO.
Nchini Ghana, huko Afrika Magharibi ukosefu wa choo umekuwa ni adha kubwa kwa wakazi wa kitongoji kimoja maarufu kwa utalii kwenye mji mkuu Accra. Vifuko vya nailoni vilivyosheheni haja kubwa vilikuwa ni jambo la kawaida hadi Benki ya Dunia ilipoingilia kati na kusaidia mamlaka ya majisafi na majitaka ya jiij la Accra, GAMA. Sasa kuna ahueni na wananchi wamefunguka macho.
Mano Hamdam mwenye umri wa miaka 20 anakumbuka machache sana kuhusu maisha aliyokuwa akiishi huko Kismayo nchini Somalia.
Wakati idadi ya nchi zinazotangaza marufuku ya safari za ndege kwa mataifa ya Kusini mwa Afrika ikiongezeka kutokana na hofu ya aina mpya ya virusi vya COVID-19 vya Omicron, shirika la afya la Umoja wa Mataifa ulimwenguni WHO leo limezisihi nchi kufuata sayansi na kanuni za kimataifa za afya za mwaka 2005.
Kamishina Mkuu wa Haki za Binadamu wa Umoja wa mataifa Michelle Bachelet leo ameaza ziara ya siku saba ya kikazi barani Afrika akizuru nchi za Burkina Faso na Niger, kwa mwaliko maalum wan chi hizo.
Mkutano Mkuu wa 41 wa shirika la Umoja wa Mataifa la elimu, sayansi na utamaduni, UNESCO tarehe 23 mwezi huu wa Novemba mwaka 2021 ulipitisha azimio namba 41C/61 la kutangaza tarehe 7 mwezi Julai kila mwaka kuwa siku ya Kiswahili duniani.
