Ikiwa leo ni siku ya miji duniani, Idhaa ya Kiswahili ya Umoja wa Mataifa imeangazia ni kwa jinsi gani chombo hiki chenye wanachama 193 kinasaidia nchi wanachama kufanikisha malengo ya maendeleo endelevu, SDGs hususan lengo namba 11 la miji endelevu na jamii. Hatua hiyo inazingatia kwamba kasi ya ukuaji wa miji ni kubwa huku huduma za kijamii zikikua katika kasi ndogo.
Kongamano la kimataifa la wanawake viongozi kutoka barani Afrika lilokuwa linafanyika mjini Bujumbura,Burundi limekunja jamvi kwa kuwahamasisha wanawake kujitokeza mstari wa mbele kuchangamkia nyadhifa mbalimbali za uongozi nana mustakhbali wa mataifa yao. Hili ni moja ya malengo muhimu ya maendeleo endelevu SDG’s yanayochagiza mataifa kutoa fursa na kuwawezesha wanawake kama usawa wa kijinsia unaojumuisha kushika nafasi mbalimbali za maamuzi ifikapo mwaka 2030.
Msanii Ritah Kivumbi anapenda sana tasnia ya sanaa ya uchoraji ingawa yeye ni ana ulemavu wa kutokuona. Alipata tatizo hilo alipokuwa mtu mzima. Baada ya kuona kuwa hawezi kuajiriwa tena, ari yake ya sanaa ya uchoraji iliongezeka ingawa anafanya hivyo kwa kupapasapapasa tu huku akichora michoro anayofikiria. Kama isemavyo kuwa ulemavu si kutokuwa na uwezo, Bi. Kivumbi ameweza kuendeleza kipaji chake na pia kujipatia pato kutokana na kazi yake hiyo licha ya ulemavu wake wa kutoona. Je anafanya nini? Kwa kina ungana basi na Siraj Kalyango katika makala hii.
Nchini Tanzania Umoja wa Mataifa unatumia mbinu mbalimbali kufikisha ujumbe wa kuepusha watoto wa kike dhidi ya ukatili. Vitendo vya ukatili kama vile ukeketaji umekwamisha maendeleo ya mtoto wa kike na zaidi ya yote wapo baadhi ya wanaume wanaoamini kuwa mtoto wa kike asiyekeketwa hafai katika jamii.
Ikiwa leo ni siku ya Umoja wa Mataifa, makundi mbalimbali yamezungumzia kile ambacho chombo hicho kinawasaidia katika zama za sasa zilizogubikwa na changamoto lukuki. Umoja wa Mataifa wenye wanachama 193 unahakikisha kuwa rasilimali kidogo iliyopo inatumika kuleta maisha bora hata kwa watoto na vijana wakimbizi ambao kwao maisha ni machungu na hivyo wamekimbilia ugenini. Mfano ni nchini Uganda ambako katika siku hii ya Umoja wa Mataifa, John Kibego amevinjari na kuzungumza nao.
Shirika la chakula na kilimo duniani, FAO limeendelea na harakati zake za kusaidia nchi wanachama wa Umoja wa Mataifa zinafanikisha malengo ya maendeleo endelevu, SDGs hususan namba 1 la kutokomeza umaskini na lile la pili la kutokomeza njaa. Mfano huko nchini Tanzania hususan mkoani Kagera FAO imefungua fursa kwa jamii kama vile wanawake kujikwamua kimapato kupitia kilimo. Fursa hiyo imedhihirika kwa mmoja wa wakulima ambaye ametembelewa na Nicolaus Ngaiza wa radio washirika Kasibante FM mkoani Kagera nchini Tanzania.
DDT kemikali yenye sumu iliyolenga kuangamiza wadudu waharibifu wa mimea na hata wanaosambaza ugonjwa wa Malaria yaani mbu imebainikuwa pale inapotumika husalia ardhini na kuharibu siyo tu mazingira bali pia afya ya binadamu na Wanyama.
Tayari nchi nyingi zimepiga marufuku matumizi ya DDT ilhali zingine zikiona bado zina uwezo wa kuitumia bila madhara yoyote. Kwa zile ambazo zimeamua kuteketeza maelfu ya tani ya DDT, shirika la mazingira la Umoja wa Mataifa, UNEP, limeamua kuzisaidia na miongoni mwao ni Ethiopia.
Nyota ya mwanamuziki mashuhuru kutoka Ghana, Rocky Dawuni inazidi kung'ara katika anga za kuchechemu dunia kutekeleza yale yaliyo bora kwa maslahi ya kizazi cha sasa na vizazi vijavyo. Mwanamuzi huyu ambaye amekuwa akitumia kipaji chake cha kuimba kupazia sauti masuala yanayoweka hatarini mustakabali wa binadamu, amezidi kuonekana na hata kuchaguliwa kuwa mwakilishi wa taasisi mbali mbali ikiwemo zile za Umoja wa Mataifa.
Kwa msaada wa Muungano wa Ulaya, EU, Shirika la chakula na kilimo duniani FAO mwaka 2015 lilianzisha mafunzo ya kilimo bora kinachohifadhi mazingira kwa wakazi wa kaunti nane nchini Kenya. Lengo ni kuwasaidia wakulima hao kuongeza uzalishaji wa mazao na pia kuwaunganisha na masoko ya uhakika na hatimaye kuweza kupunguza umaskini, kutokomeza njaa na hata kuboresha lishe ya familia. Je nini kilifanyika? Grace Kaneiya anasimulia zaidi katika makala haya yaliyowezeshwa na FAO.
Leo ikiwa ni siku ya kutokomeza umaskini duniani, ambalo ni lengo la kwanza la malengo ya maendeleo endelevu ya Umoja wa Mataifa, SDGs Umoja wa Mataifa unasema bado watu milioni 700 kote ulimwenguni wanaishi kwenye lindi la umaskini, bila kufahamu mlo wao wa kesho utatoka wapi, bila kuwa na uhakika pia wa kipato cha kuwezesha familia kukimu mahitaji mengine muhimu ya kila siku.
