Kamishna Mkuu wa Umoja wa Mataifa wa Haki za Kibinadamu Volker Türk leo jijini Geneva, Uswisi ametoa wito wa kuwepo kwa mbinu iliyoratibiwa ya kikanda ili kuwalinda maelfu ya Warohingya waliokata tamaa wanaohatarisha maisha yao kwa kufanya safari hatari za baharini.
Shirika la Umoja wa Mataifa la kuhudumia wakimbizi, UNHCR limesema lina wasiwasi mkubwa juu ya vitendo vya raia wa Myanmar wanaosaka hifadhi nchini Malaysia kufukuzwa na na kurejeshwa makwao jambo linalotia hatarini usalama wao.
Wataalamu wa haki za binadamu wa Umoja wa Mataifa hususan zile za mtoto wametoa taarifa ya pamoja hii leo huko Geneva, Uswisi wakisema majanga ya kiafya, kibinadamu na yale yanayohusiana na tabianchi yakizidi kuongeza changamoto kubwa duniani kila uchao kama vile ukimbizi wa ndani, ukatili wa kingono na njaa, serikali lazima zikumbuke kuwa watoto wana haki kamilifu za kimsingi za kibinadamu na kwamba haki hizo zinapaswa kulindwa.
Watu katika mataifa 42 duniani kote wanakabiliwa na kulipiziwa visasi na vitisho kutokana na ushirikiano wao na Umoja wa Mataifa kuhusu masuala ya haki za binadamu, imesema ripoti ya mwaka ya Katibu Mkuu wa Umoja wa Mataifa iliyowasilishwa leo na msaidizi wake mbele ya Baraza la Umoja wa Mataifa la haki za binadamu.
Ikiwa ni miaka mitato tangu kuzuka mgogoro wa Rohingya uliowalazimisha zaidi ya watu 700,000 kufungasha virago nchini Myanmar na kuingia Bangladesh, Katibu Mkuu wa Umoja wa Mataifa Antonio Guterres leo ametoa wito kwa jumuiya ya kimataifa kusaha suluhu ya kudumu na jumuishi ili kusaidia kumaliza madhila kwa wakimbizi wa Rohingya.
Hii leo ikiwa ni siku ya kimataifa ya utoaji wa misaada ya kibinadamu, Katibu Mkuu wa Umoja wa Mataifa Antonio Guterres amepazia sauti watoa huduma za kibinadamu ambao hufanya kazi kutwa kucha ili dunia iwe pahala bora hasa wale wanaopitia majanga wanaojikuta wao wenyewe wakibeba jukumu la kutoa msaada.
Kuelekea siku ya usaidizi wa kibinadamu duniani tarehe 19 mwezi huu wa Agosti, Umoja wa Mataifa leo umesema kadri majanga yanavyozidi kuongezeka duniani maisha ya watoa misaada yako hatarini zaidi na kwamba mwaka jana pekee wa 2021 wahudumu zaidi ya 140 wa kiutu waliuawa duniani kote.
Mwaka wa 2021 umeshuhudia mchanganyiko wa mwendelezo hatari wa mizozo, mapinduzi ya kijeshi sambamba na mizozo mipya na ile iliyodumu muda mrefu na ukiukwaji mkubwa wa sheria za kimataifa, vyote ambavyo kwa pamoja vimekuwa na madhara makubwa kwa watoto duniani kote, amesema Katibu Mkuu wa Umoja wa Mataifa Antonio Guterres kupitia ripoti yake ya mwaka kuhusu Watoto kwenye mizozo ya kivta, ripoti ambayo imechapishwa hii leo.
Mfuko wa kimataifa wa Umoja wa Mataifa kuhusu elimu kwenye maeneo yenye dharura na majanga, ECW umetoa ripoti ya kutisha hii leo ikidokeza kuwa idadi ya watoto wenye umri wa kwenda shule, ambao wameathirika na majanga na hivyo kuhitaji msaada wa kielimu imeongezeka kutoka milioni 75 mwaka 2016 hadi milioni 222 hii leo.
Zaidi ya wakimbizi milioni 2 mwaka ujao WA 2023 watahitaji kuhamishiwa nchi ya tatu ikiwa ni ongezeko kwa asilimia 36 ikilinganishwa na mahitaji ya mwaka huu ambayo ni wakimbizi milioni 1.5 pekee, limesema shirika la Umoja wa Mataifa la kuhudumia wakimbizi, UNHCR kupitia tathmini ya makadirio ya kuhamia nchi ya tatu kwa mwaka 2022.
