Rais Filipe Nyusi wa Msumbiji akiwa kwenye makao makuu ya Umoja wa Mataifa jijini New York, Marekani amezungumza na Idhaa ya Umoja na kufafanua kile ambacho wanafanya kusaidia wakimbizi wanaotokana na mashambulizi yanayofanywa na makundi yaliyojihami kaskazini mwa nchi hiyo hususan mpakani mwa nchi yake na Tanzania tangu mwaka 2017.
Shirika la chakula na kilimo la Umoja wa Mataifa FAO nchini Kenya linafanya kila juhudi kuhakikisha linatimiza wito wa Umoja wa Mataifa wa kutaka ubunifu na teknolojia vitumike kama nyenzo ya kumuinua mwanamke kiuchumi na kijamii lakini pia katika utekelezaji wa malengo ya maendeleo endelevu SDGs na kuhakikisha hakuna anayesalia nyuma kwenye zama hizo za kidijitali.
Nchini Jamhuri ya Kidemokrasia ya Congo, DRC mashambulizi yanayoendelea mashariki mwa nchi hiyo kwenye jimbo la Kivu Kaskazini yanasababisha sio tu vifo bali machungu yasiyoisha kwa familia za waliouawa kwa kushindwa kufahamu ukweli wa nini kiliwafika jamaa zao, nani aliwaua, na haki gani imetendeka na sheria dhidi ya waliohusika.
Mkutano wa Umoja wa Mataifa kuhusu maji ukiingia siku ya tatu kwenye makao makuu ya Umoja wa Mataifa huku moja ya mikakati ni kuhakikisha kunakuweko matumizi endelevu ya maji, mmoja wa washiriki kutoka Rwanda amezungumzia vile ambavyo teknolojia ya kusafisha maji taka ili yaweze kutumika tena na tena inaweza kuwa mkombozi kwenye eneo lao.
Ushiriki wangu katika mkutano wa 67 wa kamisheni ya hali ya wanawake duniani, CSW67 umenifumbua macho ya kwamba pengo la kiteknolojia kati ya wanawake na wanaume si kwa nchi yetu ya Tanzania au bara la Afrika pekee bali pia mataifa mengine ikiwemo Marekani.
Mkutano wa Umoja wa Mataifa kuhusu maji ukiwa umeingia siku ya pili hapa kwenye makao makuu ya Umoja wa Mataifa jijini New York, Marekani lengo likiwa ni kufanya mapitio ya kina ya Muongo wa hatua kwa maji na huduma za kujisafi mwaka 2018 hadi 2028 mmoja wa washiriki amezungumzia kadhia wanayopata huko atokako kutokana na uhaba wa maji.
Katibu Mkuu wa Umoja wa Mataifa Antonio Guterres ametuma salamu kwa Waislamu kote duniani akiwatakia kila la heri kwa mwezi mtukufu wa Ramadhani.
Hii leo ni siku ya maji duniani na ninakupeleka nchini Jamhuri ya Kidemokrasia ya Congo, DRC ambako huko mtoto Liesse mwenye umri wa miaka 17 amefuatilia upatikanaji wa maji safi ya kunywa kwenye eneo la Goma jimboni Kivu Kaskaizini baada ya kupatiwa mafunzo ya uandishi wa habari na shirika la Umoja wa Mataifa la kuhudumia watoto duniani, UNICEF na hatimaye taarifa yake kutangazwa na Radio Okapi ya ujumbe wa Umoja wa Mataifa wa kulinda amani nchini humo
Leo ni siku ya furaha duniani ambapo Umoja wa Mataifa unasema ni siku ya kutabua umuhimu wa furaha kwa watu wote ulimwenguni kwani ni msingi wa lengo la ubinadamu na pia huchagiza ukuaji wa kiuchumi ambapo baadhi ya wakazi wa Beni jimboni Kivu Kaskazini nchini Jamhuri ya Kidemokrasia ya Congo, DRC wameomba Umoja wa Mataifa uwasaidie kurejesha furaha kwani ukosefu wa amani unawanyima furaha waliyokuwa nayo zamani.
Mkutano wa 67 wa kamisheni ya hali ya wanawake duniani CSW67 ukielekea tamati mwaka huu 2023 kikiwa kimebeba mada uvumbuzi, mabadiliko ya kiteknolojia, na elimu katika zama hizi za kidigitali kwa ajili ya kufikia usawa wa kijinsia na uwezeshaji wa wanawake na wasichana wote, mijadala mingi ilijikita katika kuwawezesha na kuhakikisha watoto wa kike wanaingia kwenye masomo ya Sayansi, Teknolojia, Uhandisi na Hisabati au STEM ili hapo baadaye waweze kuchangia katika ubunifu wa teknolojia katika enzi hizi za dunia ya kidijitali.
