Habari Mpya

Miaka saba iliyopita inaelekea kuwa ya joto zaidi kuwahi kurekodiwa sanjari na kupanda kwa kina cha bahari ni katika viwango vya kuvunja rekodi, kulingana na ripoti ya muda ya shirika la hali ya hewa duniani (WMO) ya hali ya hewa duniani kwa mwaka 2021, iliyotolewa Jleo umapili, wakati mkutano wa Umoja wa Mataifa wa mabadiliko ya tabianchi COP26, ukifunguliwa Glasgow, Uingereza.

Leo ni siku ya miji duniani, Katibu Mkuu wa Umoja wa Mastaifa amesema ingawa kupanda kwa kina cha bahari kunaweza kuweka zaidi ya watu milioni 800 katika miji ya pwani kwenye hatari ya moja kwa moja ifikapo mwaka 2050, chini ya asilimia 10 ya fedha za mabadiliko ya tabianchi kwa maeneo ya mijini zinakwenda katika hatua za kukabiliana na kujenga mnepo. 

Katika dunia iliyotikiswa na mliipuko na kuwa dirisha lililofuga fursa za kupambana na majanga ya tabianchi, mkutano muhimu wa Umoja wa Mataifa wa COP26 unang’oa nanga leo Jumapili katika mji wa Glasgow nchini Scotland madhara ya janga hilo yasingekuwa makubwa zaidi kama yalivyo sasa.

Naibu Katibu Mkuu wa Umoja wa Mataifa Amina J. Mohammed ameshiriki katika majadiliano ya TED yanayosisitiza fursa za kuondokana na mgogoro wa mabadiliko ya tabianchi kwa kuchangisha fedha zaidi na mshikamano, wakati huu ambao "fursa bado ipo". 

Katibu Mkuu wa Umoja wa Mataifa Antonio Guterres leo amehudhuria ufunzi rasmi wa mkutano wa viongozi wa mataifa 20 yaliyoendelea kiuchumi duniani G-20 .

Kwa kauli moja siku ya Ijumaa, Baraza la Usalama la Umoja wa Mataifa lilipitisha azimio la kipekee la kulaani vikali mashambulizi dhidi ya shule, watoto na walimu na kuzitaka pande zinazozozana kulinda mara moja haki ya elimu.

Tuko katika wakati muhimu kwa sayari yetu. Lakini wacha tuwe wazi  kuna hatari kubwa ambayo mkutano wa mabadiliko ya tabianchi wa Glasgow unaweza usizai matunda, ameonya Katibu Mkuu wa Umoja wa Mataifa Antonio Guterres hii leo akizungumza na waandishi wa Habari mjini Roma Italia kunakofanyika mkutano wa mataifa 20 yaliyoendelea kiuchumi duniani au G-20.

Tarehe 31 ya mwezi Oktoba kila mwaka ni siku ya majiji na miji duniani ambapo kwa mwaka huu maudhui ni Kuwezesha miji kuwa na mnepo kwa tabianchi. Maudhui haya yamekuja wakati ambapo miji inapaswa kuwa na mnepo kuliko wakati wowote ule.

 

Mkuu wa shirika la utabiri wa hali ya hewa duniani WMO na mashirika mengine tisa ya kimataifa yametoa wito wa pamoja na wa dharura kwa serikali kuweka kipaumbele kwa hatua jumuishi za maji na mabadiliko ya tabianchi kutokana na athari zinazoenea za masuala hayo kwa maendeleo endelevu.

Naibu Mkuu wa Umoja wa Mataifa leo amesisitiza umuhimu wa amani na usalama barani Afrika, wakati akiwashukuru mabalozi katika Baraza la Usalama la Umoja wa Mataifa kwa kusaidia Umoja wa Mataifa kuangazia suala hilo, na jinsi nchi zote wanachama zinavyoweza kufanya kazi na Muungano wa Afrika AU, kanda zingine na vikundi vya kanda, ili kufanya maisha kuwa salama zaidi katika bara zima.