Yvo de Boer, Katibu Mtendaji anayesimamia Mfumo wa Mkataba wa Kimataifa Kudhibiti Athari za Mabadiliko ya Hali ya Hewa Duniani, amenakiliwa akisema kunahitajika mchango wa dola bilioni 10 kudhibiti, kihakika, athari za mabadiliko ya hali ya hewa ulimwenguni.
Utafiti mpya wa Shirika la Afya Duniani (WHO) umegundua ya kuwa mama wajawazito, walioambukizwa na virusi vya UKIMWI wakipewa mchanganyiko wa madawa ya kurefusha maisha, kuanzia kile kipindi cha mwisho wa mimba hadi miezi sita ya kipindi cha kunyonyeshwa mtoto mchanga, asilimia 40 ya watoto wanaozaliwa na mama hawo hunusurika na hatari ya kuambukizwa na virusi vya maradhi. Jumuiya Mashirika ya UM dhidiya UKIMWI (UNAIDS) imeeleza na kukumbusha ya kwamba moja ya malengo muhimu ya kazi zao ni kuhakikisha wanafanikiwa kuzuia vifo vya mama wajawazito, na pia kuhakikisha watoto wachanga wanaozaliwa na mama hawo wanahifadhiwa na maambukizi ya VVU.
Vikosi vya ulinzi amani vya UM viliopo katika jimbo la Kakata, Liberia Magharibi vimeanzisha mazoezi mapya mnamo mwanzo wa mwezi huu, yaliokusudiwa kupambana na athari za mabadiliko ya hali ya hewa ulimwenguni.
Ripoti za UM zimethibitisha ya kuwa katika 2009 watu bilioni moja ziada husumbuliwa na upungufu wa chakula na njaa sugu katika dunia.
Ripoti ya Tathmini ya Matarajio ya Uwekezaji Duniani kwa 2009-2011 (WIPS), inayojulikana kwa umaarufu kama Tathmini ya WIPS, imeeleza kwamba mizozo ya kiuchumi na kifedha duniani imeathiri vibaya miradi ya uwekezaji wa moja kwa moja, wa mashirika makuu ya biashara kutoka nje, katika kipindi cha muda mfupi.
Mahakama ya Kudumu ya Kuamua Migogoro, iliopo Hague, Uholanzi leo imetangaza hukumu yake kuhusu mipaka ya eneo la mabishano la Abyei, ambapo utawala wake unagombaniwa na Sudan Kaskazini na Sudan Kusini.
Ashraf Qazi, Mjumbe Maalumu wa KM kwa Sudan na Mkuu wa Shirika la Ulinzi Amani Sudan Kusini (UNMIS) ameripotiwa hii leo kuelekea eneo la mgogoro wa mpaka la Abyei, kwenye mkesha wa kutangazwa na Mahakama ya Upatanishi wa Abyei kutoka Hague maamuzi kuhusu eneo la mfarakano baina ya Sudan Kaskazini na Kusini. Uamuzi utatolewa na Mahakama ya Upatanishi Ijumatano. Mjumbe wa KM kwa Sudan Kusini alinakiliwa akisema hatua zimeshachukuliwa na wenye madaraka, za kuhakikisha makundi yote yenye silaha, isipokuwa Vikosi vya Pamoja vya Polisi na Jeshi, yameondoshwa kutoka Eneo la Mfarakano la Ramani ya Abyei kabla ya maamuzi kutangazwa kuzuia fujo.
Shirika la Afya Duniani (WHO) limetangaza kwamba nchi wanachama, hivi sasa zinazo uwezo wa kufarajia kitaifa hatua za kupima viwango vya maambukizi ya maradhi ya homa ya mafua ya A/H1N1 katika maeneo yao.
Shirika la UM juu ya Chakula na Kilimo (FAO) limehadharisha kwenye ripoti yake rasmi iliotolewa Ijumanne, ya kwamba kumegundulikana aina ya maradhi yenye kuua na kupunguza kwa kiwango kikubwa akiba ya samaki kwenye Bonde la Mto Zambezi, hali ambayo inahatarisha akiba ya chakula na ajira ya kujipatia rizki kwa wakazi wa vijijini wa eneo hilo, liliogawanyika miongoni mwa mataifa saba ya Afrika.
Matokeo ya utafiti mpya wa Shirika la Afya Duniani (WHO), kuhusu maradhi ya usubi (river blindness) katika sehemu za Afrika Magharibi, yamethibitisha kwamba ugonjwa huu unawezekana kukomeshwa kikamilifu na wataalamu wa kimataifa.
