Shirika la Umoja wa Mataifa la kuhudumia wakimbizi UNHCR limeonya hali Sudan Kusini huenda ikawa mbaya zaidi ifikapo mwezi Mei mwaka huu iwapo msaada wa haraka hautapatikana kusaidia wananchi wanaoishi katika maeneo yakiyozingirwa na maji ya mafuriko ya muda mrefu.
Hatimaye vita vya maji huko Sudan vimepata jawabu ambalo linaonekana la kudumu miongoni mwa wakulima na wafugaji ambao kwa muda mrefu wamekuwa wakizozana kila upande ukiona una haki ya kutumia maji ambayo wakati huu yanazidi kupungua kutokana na mabadiliko ya tabianchi.
Mradi wa pamoja wa Mashirika ya Umoja wa Mataifa lile la elimu, sayansi na utamaduni, UNESCO, la idadi ya watu na afya ya uzazi, UNFPA na lile linalohusika na masuala ya wanawake UN Women, uliotekekezwa katika wilaya nne za Tanzania ambazo ni Mkoani Pemba, Ngorongoro, Sengerema na Kasulu, matunda yake yameendelea kuonekana.
Shirika la Umoja wa Mataifa la kuhudumia watoto UNICEF na wadau wake kwa kushirikiana na serikali ya Uganda, wanafanya juhudi kurekebisha athari ambazo zimeachwa na mlipuko wa ugonjwa wa Covid-19 hasa katika elimu ya watoto wasichana. Mmoja wa wadau katika mapambano hayo ni msichana Manuela Christine mwenye umri wa miaka 19 ambaye ni miongoni mwa wasichana wachache tu katika Wilaya ya Adjumani nchini humo ambao wanaendelea na elimu kwani takwimu za UNICEF na serikali ya Uganda zinaonesha takribani wasichana 32,000 walipata ujauzito kila mwezi katika miaka miwili ya kufungwa kwa shule.
Akiwa amesimama mbele ya kibanda chake kwenye makazi ya wakimbizi ya Kulmiye wilayani Luuq nchini Somalia, Ahmad Hassan Yarrow anatazama kile kilichosalia katika mto Juba, ambao ulikuwa ndio tegemeo la uhai wa eneo lao. Mto umekauka. “Katika umri wangu wa miaka 70 sijawahi kushuhudia ukame kama huu, katika vipindi vyote vya ukame vilivyopita,” anasema Bwana Yarrow katika makala iliyochapishwa kwenye ujumbe wa Umoja wa Mataifa wa usaidizi nchini Somalia, UNSOM.
Shirika la Umoja wa Mataifa la Afya ulimwenguni WHO limejizatiti kuhakikisha wakimbizi kutoka Ukraine wanapatiwa msaada wa huduma za matibabu na usaidizi wa kisaikolojia.
Mamia ya wakulima kwenye kaunti ya Migori nchini Kenya sasa kuachana na kilimo hatari cha tumbaku na kuhamia kwenye uzalishaji wa mazao endelevu na hasa maharagwe, kupitia mradi wa "Mashamba huru bila tumbaku” uliozinduliwa jana Machi 23 na Umoja wa Mataifa.
Kwa mujibu wa shirika la Umoja wa Mataifa la kuhudumia wakimbizi, UNHCR, mamia ya wakimbizi kutoka Ukraine waliokimbilia Moldova, hasa wazee, familia zenye watoto wadogo na wanawake, wanapewa kipaumbele katika uhamisho wa kwenda nchi ya tatu, Romania kutoka Moldova kwa kuwa Moldova nchi iliyoko kwenye mpaka wa kusini mwa Ukraine ina rasilimali chache za kukabiliana na maelfu ya wakimbizi ambao wamevuka mpaka katika wiki za hivi karibuni.
Ikiwa leo ni Siku ya kifua kikuu duniani, shirika la Umoja wa Mataifa la Afya ulimwenguni WHO limetoa wito kwa serikali na wadau kuongeza uwekezaji katika huduma za Kifua Kikuu na utafiti hususan kwa watoto na vijana.
Shirika la Umoja wa Mataifa la kufanikisha upatikanaji wa dawa za tiba kwa gharama nafuu, UNITAID limetangaza utekelezaji wa mchakato mkubwa wa uvumbuzi wa hivi karibuni katika kuzuia virusi vya ukimwi ,VVU ambao ni sindano mpya ambayo inachukua wiki nane kabla ya muathirika kupewa dozi nyingine badala ya tembe anazopaswa kumeza kila siku.
