Baraza la Usalama la Umoja wa Mataifa hii leo linaendelea na siku ya pili ya mkutano wake wa kutafuta namna ya kumaliza mzozo mbaya unaoendelea huko Gaza huku kukiwa na kuongezeka kwa mvutano huko Mashariki ya Kati.
Wakati mapigano makali yakiendelea huko Gaza leo asubuhi ikiwa ni pamoja na mashambulizi yaliyoripotiwa dhidi ya hospitali katika mji wa kusini wa Khan Younis, wahudumu wa misaada wa kibinadamu wa Umoja wa Mataifa walionyesha wasiwasi mkubwa kwa wagonjwa na watu wengine wanaosaka matibabu ambao wamejikuta katikati ya mapigano hayo bila njia ya kuingia wala kutoka.
Mashambulizi makubwa ya mabomu yanayofanywa na Israel Gaza yameendelea tena leo sanjari na maroketi yanayovurumushwa na makundi yenye silaha ya Kipalestina kuelekea Israel, wakati wahudumu wa kibinadamu wa Umoja wa Mataifa wakiripoti kuuawa kwa watu zaidi ya 25,000 Gaza tangu kuanza kwa machafuko hayo mapya Oktoba 7 mwaka jana na mahitaji ya kibinadamu yakiongezeka kila uchao.
Msikubali kanuni mpya kwa ajili ya teknoloija mpya ziandikwe na matajiri kwa ajili ya matajiri, amesema Katibu Mkuu wa Umoja wa Mataifa António Guterres akihutubia mkutano wa tatu wa viongozi wa kundi la nchi 77 na China, kwenye uliofanyika leo Jumapili huko Kampala, mji mkuu wa Uganda.
Shirika la Umoja wa Mataifa la kuhudumia watoto UNICEF leo limeonya kwamba watoto wanazaliwa katika hali ya jehanamu Gaza huku wengi huenda wakafariki dunia kutokana na vita na hali mbayá ya maisha na huduma Gaza.
Mashirika ya kibinadamu ya Umoja wa Mataifa leo yameeielezea hali inayoendelea Gaza siku 105 baada ya kuzuka vita mpya baina ya wapiganaji wa Hamas na vikosi vya Israel, kuwa ni zahma juu ya zahma. Watu zaidi ya milioni 1.7 wametawanywa huku hofu ya milipuko ya magonjwa, janga la njaa na vifo zaidi likitawala.
Mashirika ya Umoja wa Mataifa yamerejea kupaza sauti kuhusu misaada muhimu ya kibinadamu kuendelea kuruhusiwa kuingia ukanda wa Gaza, lile la kuratibu Misaada ya kibinadamu na masuala ya dharura OCHA likisema kwa mara ya kwanza dawa kwa ajili ya mateka wa Israel zimeripotiwa kuruhusiwa kuingia leo sanjari na msaada kwa ajili ya Wapalestina kwa makubaliano maalum yaliyowezeshwa na serikali za Qatar na Ufaransa.
Mamlaka ya Israeli imeendelea kuzuia misaada ya kuokoa maisha kufikia kaskazini mwa Gaza siku 102 tangu mashambulio ya ugaidi yaliyoongozwa na Hamas yaliposababisha vita, umesisitiza Umoja wa Mataifa akiwemo Katibu Mkuu António Guterres ambaye ameonya kwamba "Jinamizi la muda mrefu la njaa linawazogoma watu wa Gaza.”
Siku 100 tangu kuanza kwa mzozo wa Israel na Palestina, Katibu Mkuu wa Umoja wa Mataifa António Guterres leo Januari 15 akizungumza na wanahabari jijini New York Manreakni ametaka "kuachiliwa mara moja na bila masharti kwa mateka wote. "Pia akiongeza kusema mashambulizi dhidi ya Gaza yaliyotekelezwa na vikosi vya Israeli katika siku hizi 100 yamesababisha uharibifu mkubwa na viwango vya mauaji ya raia kwa kiwango ambacho hakijawahi kutokea katika miaka ya uongozi wake kama Katibu Mkuu."
Ukanda wa Gaza, hospitali nyingi hazina wahudumu wa kutosha kwani wafanyakazi wa sekta ya afya wameondoka kwa sababu ya maagizo ya kuhama au ukosefu wa usalama. Wakati huo huo, njia ambazo zingetumiwa na wagonjwa kufika katika vituo vya afya zimetatizwa na hali mbaya ya usalama.
