Habari kwa Ujumla

Miongoni mwa taasisi hizo ni ile ya Benjamin Mkapa nchini Tanzania ambayo kwa kushirikiana na serikali ina miradi mbali mbali ya kuhakikisha wakazi wa vijini wanapata huduma ya afya na watoa huduma nao wanavutiwa kufanya kazi maeneo hayo kama anavyofafanua Dkt Ellen Mkondya Senkoro, Afisa Mtendaji Mkuu kwenye taasisi hiyo alipohojiwa mapema mwaka huu na Idhaa ya Kiswahili ya Umoja wa Mataifa jijini New York, Marekani.

Shirika la Umoja wa Mataifa la kuhudumia wakimbizi UNHCR limesema manusura 116 wa ajali ya boti ya wiki iliyopita waliokuwa wakishikiliwa hadi leo Jumatano Julai 31 ndani ya boti ya ukozi ya Italia kwenye bandari ya Sicily wameruhusiwa kuteremka kutoka kwenye boti hiyo.

UNHCR inasema manusura hao walioondoka Libya kwa kutumia boti mbili waliokolewa baharini na walinzi wa doria wa Italia Julai 25 na kuhamishiwa katika boti ya walinzi wa pwani ya Bruno Gregoretti.

Kuzalisha chakula cha kutosha sio tatizo, tatizo ni fursa ya watu kupata chakula kilichopo ili kupambana na njaa na utapiamlo.  

Shirika la Umoja wa Mataifa la kuhudumia watoto, UNICEF limesema litahitaji kuongeza mara tatu bajeti yake ili kufanikisha operesheni zake kwenye majimbo ya Ituri na Kivu Kaskazini nchini Jamhuri ya kidemokrasia ya Congo, DRC ambayo yanakabiliwa na mlipuko wa Ebola sambamba na surua.  Assumpta Massoi na taarifa zaidi.

Usafirishaji haramu wa binadamu ni uhalifu mbaya kabisa na unagusa kila pembe ya dunia, huku waathirika wakubwa wakiwa ni wanawake, wasichana na watoto umesema leo Umoja wa Mataifa. Arnold Kayanda na ripoti kamili. 

Kwa mujibu wa takwimu zilizotolewa leo na ofisi ya Umoja wa Mataifa ya uhalifu na madawa UNODC ,katika maadhimisho ya siku ya kimataifa ya kupinga usafirishaji haramu wa binadamu, asilimia 72 ya waathirika wa uhalifu huu ni wanawake na wasichana huku idadi ya watoto waliothirika ikiongezeka mara mbili tangu mwaka 2004 hadi 2016.

Ili kutatua changamoto kubwa zinazoikabili dunia hivi sasa kuanzia umaskini, mabadiliko ya tabianchi na hata majanga ya asili tunahitaji utashi, hatua zaidi na hatua zenyewe zichukuliwe sasa. Kauli hiyo imetolewa na bingwa kijana wa mwaka  2017 wa kupigania maslahi ya dunia Mariama Mamane kutoka Burkina Faso. Tupate maelezo zaidi na Jason Nyakundi

Mwanaharakati wa haki za binadamu kutoka Kenya ambaye pia ni afisa programu wa shirika la kiraia la Haki Afrika Wevyn Muganda amezungumzia vile ambavyo blogu yake ya Beyond the Lines inasaidia kuwezesha vijana kusoma taarifa mbalimbali bila ugumu wowote na hivyo kufanikisha leng namba 16 la maendeleo endelevu, SDGs kuhusu amani,  haki na taasisi thabiti.

Ujumbe wa Umoja wa Mataifa wa kuweka utulivu nchini Mali, MINUSMA ni muhimu sio tu kwa ajili ya taifa hilo lililopo ukanda wa Sahel au Umoja wa Mataifa bali pia kwa ajili mataifa mengi na hilo dhahiri kwa kuzingatia kuwa takriban nchi 54 zimekuja pamoja kuhakikisha kwamba zinaleta mabadiliko chanya nchini humo.

Shirika la Umoja wa Mataifa la kuhudumia watoto UNICEF kwa ushirikiano na kampuni ya biashara ya kijamii ya Colombia Conceptos Plasticos, leo wametangaza kuzindua kiwanda cha kwanza cha aina yake ambacho kitabadilisha taka za plastiki zilizokusanywa nchini Cote d'Ivoire na kuzifanya kuwa matofali ya kawaida ya plastiki ya gharama nafuu na yanayodumu kwa muda mrefu, ambayo yatatumika kujenga vyumba vya madarasa vinavyohitajika sana katika nchi hiyo ya Afrika Magharibi.

Jumla ya dola milioni 50 zinahitajika hraka ili shirika la Umoja wa Mataifa la mpango wa chakula duniani WFP liweze kufanya maandalizi muhimu kwa ajili ya kukabiliana na mlipuko wa Ebola unaoendelea nchini Jamhuri ya Kidemokrasia ya Congo DRC na uwezekano wa mlipuko katika nchi jirani.