Habari kwa Ujumla

Watu bilioni 2 kote ulimwenguni wanafanya kazi katika sekta isiyo rasmi na idadi kubwa ni katika nchi zinazoendelea na zile zinazoibuka kiuchumi.

Hiyo ni kwa mujibu wa ripoti mpya ya shirika la kazi duniani, ILO iliyochapishwa hii leo ikijikita katika takwimu za wanawake na wanaume walio kwenye sekta hiyo.

Ripoti inasema idadi hiyo ni zaidi ya asilimia 61 ya watu wote walioajiriwa duniani ikitanabaisha kuwa kiwango kidogo cha elimu ni kichocheo cha watu kuingia kwenye sekta hiyo.

Leo ni siku ya kimataifa ya muzizki wa Jazz, na maadhimisho ya kimataifa mwaka huu yanafanyika St. Petersburg, Urusi.

Shirika la Umoja wa Mataifa la elimu , sayansi na utamaduni UNESCO linasema wasanii zaidi ya 30 wamekusanyika St. Petersburg kusherehekea siku hiyo kwa kutoa burudani katika tamasha maalumu akiwemo  Luciana Souza.

UNESCO inaamini kwamba siku ya kimataifa ya jazz inaimarisha mawasiliano na utangamano katika jamii na lengo lake ni kuchagiza uhuru, ubunifu, majadiliano na kuunganisha watu kutoka kila kona ya duniani.

Watoto wakimbizi nchini Rwanda sasa wanaona nuru katika maisha yao kutokana na ushirikiano kati ya shirika la Umoja wa Mataifa la kuhudumia wakimbizi UNHCR na mfuko wa H&M. 

Ubia huo unawezesha watoto wakimbizi nchini Rwanda kupata elimu kwa kuwa wanaishi katika makazi salama na zaidi ya yote wanapatiwa vifaa vya shule na kuwa na uhakika wa maisha yao ya baadaye.

Miongoni mwa wanufaika wa ushirika huo ni mwanafunzi Godfried kutoka Burundi ambaye sasa anaishi kwenye kambi ya wakimbizi ya Mahama nchini Rwanda.

Watu takribani 14 wameuawa hii leo na wengine wapatao 0 kujeruhiwa katika mashambulio mawili ya kujitoa muhanga mjini Kabul Afghanistan.

Kwa mujibu wa tarifa iliyotolewa na mpango wa Umoja wa Mataifa nchini Afghanistan UNAMA, mashambulio hayo yametokea katika makazi yaliyofurika watu kwenye viunga vya mji wa Kabul yakipishana dakika 30.

Mkutano huo wa video ulikuwa na kauli mbiu ya : kumbuka utumwa, vita na ushindi kupigania uhuru na usawa na kitovu cha mdahalo huo kilikuwa katika makao makuu ya Umoja wa Mataifa mjini New York nchini Marekani  ambapo,  miongoni mwa wanafunzi waliounganishwa moja kwa moja na mkutano wa New York kupitia video ni wanafunzi wa Mexico pamoja na Tanzania. Baadhi ya walioshiriki wanaeleza jinsi mdahalo ulivyokwenda akianza Hussein Hamis kutoka shule ya upili ya Azania.

(SAUTI ZA WANAFUNZI TZ)

Umoja wa Mataifa umeisihi Ugiriki iboreshe mazingira na kasi ya mapokezi ya wasaka hifadhi kwenye mkoa wa Evros ambako wakimbizi wanazidi kumiminika wakipitia mpaka wa nchi hiyo na Uturuki.

Yaelezwa kuwa mwezi huu pekee watu 2,900 wameingia Evros wengi wao wakiwa ni wanafamilia kutoka Syria na Iraq, idadi ambayo inaelezwa ni nusu ya watu wote walioingia eneo hilo mwaka jana.

Jukwaa la kudumu la watu wa asili la Umoja wa Mataifa linakunja jamvi leo Ijumaa huku washiriki wakiweka msisitizo suala la kujumuisha sheria za umiliki wa ardhi za kimila ili kuepuka mizozo ya umiliki wa ardhi za watu wa jamii hiyo.

Akihojiwa na Idhaa ya UN kando ya jukwaa hilo, Dk Elifuraha Laltaika, ambaye ni mtaalamu huru wa jukwaa hilo amesema msisitizo huo unazingatia kwamba..

(Sauti ya Dkt. Elifuraha Laltaika)

Hatua ya kutoa mafunzo ya teknolojia ya habari na mawasiliano au TEKNOHAMA kwa wakimbizi kupitia shule ya ReDi nchini Ujerumani, imefufua matumaini ya mustakhbali wao  waliokuwa wameukatia tamaa.

Nats................

Juhudi za mashirika ya umoja wa Mataifa za kunusuru maisha ya maelfu ya Warohingya waliokimbilia Bangladesh dhidi ya msimu wa pepo kali na mvua za monsoon zinazotarajiwa kuanza mapema mwezi ujao , zitagonga mwamba endapo hakutapatika ufadhili mpya haraka.