Mzozo unaoendelea Mashariki ya Kati baina ya kundi la wanamgambo wa Kipalestina la Hamas na Israeli, kwa siku 18 sasa umesababisha jinamizi kubwa kwa maelfu ya wanawake na wasichana limesema shirika la Umoja wa Mataifa linaloshughulika na masuala ya wanawake UN Women.
Kwa mara ya tatu Baraza la Usalama la Umoja wa Mataifa limeshindwa kupitisha maazimio kuhusu mapigano yanayoendelea huko Gaza, Mashariki ya Kati, halikadhalika janga la kibinadamu, vyote vikisababishwa na mapigano kati ya Israeli na wapiganaji wa kipalestina, Hamas.
Machafuko yanayoshika kasi katika jimbo la Kivu ya Kaskazini Mashariki mwa Jamhuri ya Kidemokrasia ya Congo DRC, yameendelea kukatili Maisha ya watu , kujeruhi na kuwalazimisha wengi kufungasha virago na kuzikimbia nyumba zao kwa mujibu wa Umoja wa Mataifa.
Miaka 23 tangu kupitishwa kwa azimio la kihistoria la Baraza la Usalama la Umoja wa Mataifa kuhusu wanawake, amani na usalama, bado ushiriki wao kwenye meza za mazungumzo ya amani haujatosheleza kama inavyotakiwa.
Miaka 23 baada ya makubaliano muhimu ya Baraza la Usalama la Umoja wa Mataifa yanayoangazia wanawake, amani na usalama, wanawake na wasichana bado wanabeba mzigo mkubwa wa migogoro na wanabaki na uwakilishi mdogo katika maamuzi yanayohusu mahitaji ya na haki zao.
Mwezi huu wa Oktoba ikiwa ni miaka 23 tangu kupitishwa kwa azimio namba 1325 la Baraza la Usalama la Umoja wa Mataifa kuhusu wanawake katika harakati za amani na usalama ninakupeleka Jamhuri ya Kidemokrasia ya Congo, DRC kusikia jinsi ujumuishaji wa wanawake walinda amani kwenye kikosi cha India kinachohudumu kwenye ujumbe wa Umoja wa Mataifa wa kulinda amani nchini humo (MONUSCO) kumeleta matumaini kwa wanawake.
Operesheni za kibinadamu huko Gaza zimekuwa hatarini kusitishwa leo Jumatano kutokana na changamoto kubwa ya mafuta inayoendelea, wakati Israeli ikiendelea kukabiliana na mgogoro wa muda mrefu wa mateka huku kukiwa na athari mbaya ya mashambulizi ya Hamas ya Oktoba 7.
Katibu Mkuu wa Umoja wa Mataifa Antonio Guterres hii leo amezungumza na waandishi wa Habari hapa kwenye makao makuu ya Umoja huo muda mfupi kabla ya kuanza kwa kikao cha Baraza la Usalama la Umoja wa Mataifa kuhusu wanawake na amani na usalama.
Idadi ya watu waliokimbia makazi yao kutokana na vita, mateso, ghasia na ukiukaji wa haki za binadamu hadi kufikia mwishoni mwa mwezi Septemba mwaka huu huenda ikazidi watu milioni 114 limesema Shirika la Kuhudumia Wakimbizi la Umoja wa Mataifa (UNHCR).
