Tume ya Umoja wa Mataifa ya Uchunguzi kuhusu Ukraine imeripoti leo kwa Baraza la Haki za Kibinadamu kwamba kuna ushahidi kuwa wanajeshi wa Urusi wanaendelea kufanya uhalifu wa kivita nchini Ukraine.
Mkutano wa kwanza kabisa wa kimataifa kuhusu marekebisho ya mfumo wa ufugaji wa Wanyama umeanza hii leo kwenye makao makuu ya shirika la Umoja wa Mataifa la chakula na kilimo, FAO lengo likiwa ni kusaka mbinu za kuwezesha ufugaji huo uwe na mnepo zaidi, usiharibu mazingira na uchangie katika maendeleo endelevu ya kiuchumi na kijamii, halikadhalika sayari yenye afya.
Mvua kubwa iliyonyesha jijini New York, Marekani siku ya jumamosi, haikuzuia takribani watu 60,000 wakiwemo wachechemuzi, wasanii, washawishi na raia wengine, kujitokeza katika bustani ya aina yake ya Central Park, kusikiliza wito thabiti kutoka kwa Naibu Katibu Mkuu wa Umoja wa Mataifa wa kuhamasisha mabadiliko.
Waziri wa Mambo ya Nje wa Misri, Sameh Shoukry amesema nchi yake inapinga mikakati ya taifa moja kusimamia rasilimali za maji zinazotumiwa na nchi zaidi ya moja akihusisha mradi wa Bwawa Kuu la Renaissance nchini Ethiopia unaotumia maji ya Mto Nile ambao unatumiwa na zaidi ya nchi moja.
Wakati dunia ikiweka mikakati ya kutokomeza maambukizi ya Kifua Kikuu, au TB, harakati kutokomeza ugonjwa huo nchini Tanzania zimeanza kuzaa matunda, ambapo tayari hospitali ya Rufaa ya Bugando mkoani Mwanza, kaskazini-magharibi mwa taifa hilo la Afrika Mashariki imeanzisha huduma ya matumizi ya teknolojia ya simu kama njia mojawapo ya sio tu kufuatilia wagonjwa, bali pia kuhakikisha wanatumia dawa zao.
Urusi imesema mustakabali wa dunia unaumbwa hivi sasa na mapambano kati ya walio wengi duniani wanaounga mkono mgao wenye haki wa maslahi ya dunia na utofauti wenye ustaarabu ilhali upande mwingine ni wachache wanaotumia mbinu za ukoloni mamboleo kuendeleza utawala wao dhidi ya wengine, utawala ambao wanashuhudia ukiyoyoma mbele ya macho yao.
Ethiopia imetumia hotuba yake kwenye Baraza Kuu la Umoja wa Mataifa kueleza kuwa iko tayari kwa na mazungumzo na Sudan na Misri kuhusu ujenzi unaoendelea nchini Ethiopia wa Bwana Kuu la Renaissance, GERD, ujenzi ambao umechochea mvutano baina ya taifa hili la Pembe ya Afrika na nchi mbili hizo kwa kutambua kuwa bwawa hilo linatumia maji ya mto Nile.
Waziri Mkuu wa Somalia Hamza Abdi Barre amesema nchi yake majanga ya ukame na mafuriko ambayo yamekumba taifa lao katika miaka ya karibuni, yamesababisha vifo vya maelfu ya watu huku mamilioni wakisalia wakimbizi wa ndani, hivyo amesihi jamii ya kimataifa iimarishe uwezo wa kujenga mnepo ili kukabili janga la tabianchi.
Ariel Henry, Waziri Mkuu wa Haiti, akiangazia ugumu wa kufikia maendeleo endelevu bila amani na usalama alipohutubia Mkutano wa 78 wa Baraza Kuu (UNGA78) amesema kuongezeka kwa janga la usalama, afya, na uhaba wa chakula "kunatukumbusha kwamba tunasonga mbali kutoka kwenye kanuni za msingi za Mkataba wa Umoja wa Mataifa. ”.
Mkutano wa Umoja wa Mataifa wa ngazi ya mawaziri kuhusu ulinzi wa amani utafanyika mwaka huu mjini Accra, Ghana, tarehe 5-6 Disemba, Sekretarieti ya Umoja wa Mataifa na Jamhuri ya Ghana zilitangaza leo.
