Mashambulizi yanayofanywa na waasi wa kundi la CODECO jimboni Ituri nchini Jamhuri ya Kidemokrasia ya Congo, DRC yameendelea ambapo katika tukio la hivi karibuni waasi hao walishambulia eneo la Djugu jimboni humo na kuua raia 17.
Kamishna Mkuu wa Umoja wa Mataifa kuhusu Haki za binadamu Volker Türk hii leo jijini Geneva nchini Uswisi ametoa ripoti ya kina inayoonesha mateso yanayoendelea ya waathirika wa kutoweshwa na kutekwa nyara nchini Korea Kaskazini na kutaka wale wote wanaohusika wachukuliwe hatua za kisheria na kufikishwa mahakamani ndani ya nchi au mahakama za kimataifa.
Katibu Mkuu wa Umoja wa Mataifa Antonio Guterres ameeleza masikitiko yake kufuatia vifo vya takribani watu 39 katika kituo cha kushikilia wahamiaji nchini Mexico.
Shirika la Umoja wa Mataifa la ajira ulimwenguni ILO limetoa ripoto inayosema matetemeko ya ardhi yaliyozikumba nchi za Syria na Uturuki mapema mwaka huu yamesababisha biashara nyingi kufungwa na kuharibika kwa kiasi kikubwa na matokeo yake mamia kwa maelfu ya watu katika nchi hizo hawana ajira za kuwapatia kipato ili waweze kujikimu.
Shirika la Umoja wa Mataifa linalohusika na kuhudumia watoto UNICEF limetoa ombi la dola milioni 171 ili liweze kusaidia watu milioni 28 wanaokabiliwa na ugonjwa wa kipindupindu katika nchi 11 zilizokopo Mashariki na Kusini mwa bara la Afrika.
Jamhuri ya Kidemokrasia ya Congo, DRC kumeripotiwa mlipuko wa ugonjwa wa kipindupindu katika jimbo la Kivu Kaskazini.
Wachunguzi huru wa haki za binadamu walioteuliwa na Umoja wa Mataifa hii leo wamesema kuna misingi ya kuamini kwamba mamlaka ya Libya na makundi ya wanamgambo wenye silaha wamehusika na "safu nyingi" za uhalifu wa kivita, na uhalifu dhidi ya ubinadamu katika miaka ya hivi karibuni.
Hii leo kwenye makao makuu ya Umoja wa Mataifa kumefanyika tukio maalum ndani ya ukumbi wa Baraza Kuu kuhusu kumbukizi ya utumwa na biashara ya utumwa kuvuka baharí ya Atlantiki ambapo dhima ya elimu iliyofanyiwa marekebisho ili kutokomeza mchango wa utumwa duniani imepatiwa msisitizo na kila mzungumzaji.
Ukame unaoendelea Pembe ya Afrika umeathiri shule zaidi ya 100 katika kaunti ya Turkana Kenya na kusababisha watoto wengi kuacha shule. Sasa shirika la umoja wa Mataifa la kuhudumia watoto UNICEF nchini Kenya kwa ushirikiano na mradi wa Educate a child wanaisaidia serikali kusajili watoto shuleni na kuhakikisha waliosajiliwa wanasalia shuleni.
Mashirika manne ya kimataifa yakiwemo matatu ya Umoja wa Mataifa yanayotekeleza mpango wa kimataifa wa ‘Afya Moja’ au ‘One Health’, hii leo yametoa wito wa ushirikiano wa kimataifa ili kujenga mifumo imara ya afya kufanikisha kukabiliana na changamoto ngumu za kiafya zinazoukabili ulimwengu.
