Mkutano wa tisa wa Jukwaa la Umoja wa Mataifa la Ustaarabu, UNAOC Muungano wa Ustaarabu umehitimisha kazi yake hii leo katika mji wa Fez nchini Morocco, ukisisitiza maadili ya mazungumzo na uvumilivu, lakini pia jukumu la Afrika kama mshiriki chanya katika nyanja ya kimataifa.
Umoja wa Mataifa na wadau wake wa masuala ya kibinadamu nchini Kenya wameomba dola milioni 472.6 kusaidia watu milioni 4.3 walioathiriwa na ukame mwaka wa 2023, ili kuunga mkono mwitikio unaoongozwa na Serikali, huku janga hilo likitarajiwa kuwa mbaya zaidi.
Katibu Mkuu wa Umoja wa Mataifa amesema ukatili dhidi ya wanawake na wasichana unaendeklea kuwa moja ya ukiukwaji mkubwa wa haki za binadamu unaoendelea kuiathiri dunia hivi sasa.
Zaidi ya watu 50,000 duniani kote wamepoteza maisha wakati wa safari zao za uhamiaji tangu shirika la Umoja wa Mataifa la uhamiaji IOM lianze kuweka kumbukumbu ya wahamiaji waliopotea, kupoteza maisha au wasiojulikana waliko mwaka 2014.
Nchini Malawi, shirika la Umoja wa Mataifa la kuhudumia watoto duniani, UNICEF kwa msaada kutoka kwa wadau wake wa maendeleo linatekeleza mradi wa kupatia fedha jamii au MSCTP kwa ajili ya kupunguza umaskini, kukabili utapiamlo halikadhalika kuondokana na utoro shuleni utokanao na wazazi kushindwa kulipa karo.
Ripoti ya utafiti mpya iliyotolewa leo na shirika la Umoja wa Mataifa la masuala ya wanawake UN Women na ofisi ya Umoja wa Mataifa ya madawa na uhalifu UNODC inaonyesha kuwa wanawake na wasichana ndio walio katika hatari kubwa ya kuuawa majumbani, ikionyesha kuwa kwa wastani zaidi ya wanawake au wasichana watano waliuawa kila saa na wenzi wao au jamaa wa familia kwa mwaka 2021.
Wajumbe wa Baraza la Usalama la Umoja wa Mataifa wamelaani vikali kurejea upya kwa mashambulizi yanayofanywa na waasi wa kikundi cha M23 huko jimboni Kivu Kaskazini, Mashariki mwa Jamhuri ya Kidemokrasia ya Congo, DRC na kitendo cha waasi hao kuendelea kusonga mbele kuelekea mji mkuu wa jimbo hilo, Goma na maeneo mengine.
Katika dunia ambayo “maovu ya zamani – chuki dhidi ya wayahudi, ubaguzi dhidi ya wasio waislamu, utesaji wa wakristo, chuki dhidi ya wageni na ubaguzi – vinaendelea kupatiwa tena uhai,” amesema Katibu Mkuu wa Umoja wa Mataifa Antonio Guterres huku akiongeza kuwa Jukwaa la Umoja wa Mataifa la Ustaarabu, UNAOC linasaidia kuonesha njia ya jinsi ya kuchukua hatua kwa mshikamano.
Saudi Arabia lazima ipitishe sheria ya kusitishwa kwa hukumu ya kifo kwa makosa yanayohusiana na dawa za kulevya, imesema ofisi ya haki za binadamu ya Umoja wa Mataifa, OHCHR, baada ya taifa hilo la Mashariki ya Kati kuanza tena adhabu ya kifo kwa uhalifu huo unaohusiana na daa za kulevya.
Shirika la Umoja wa Mataifa la mpango wa mazingira UNEP leo limetangaza washindi wa tuzo yake kubwa kabisa ya mazingira Champion of the Earth 2022 ikiwaenzi mhifadhi wa mazingira, mfanyabiashara, mwanauchumi, mwanaharakati wa haki za wanawake, na mwanabiolojia wa wanyamapori kwa hatua zao za kuleta mabadiliko ya kuzuia, kusitisha na kubadili uharibifu wa mfumo ikolojia.
