Katika siku ya tano ya Mjadala Mkuu wa mkutano wa 77 wa Baraza Kuu la Umoja wa Mataifa, UNGA77 jijini New York, Marekani, Mali imesema iko kwenye mwelekeo sahihi wa kipindi cha serikali ya mpito kilichoanza mwezi Agosti mwaka 2020 na ukomo wake mwezi Machi mwaka 2024.
Katibu Mkuu wa Umoja wa Mataifa Antonio Guterres amesema dunia hivi sasa inakabiliwa na changamoto lukuki kila kona na moja ya changamoto kubwa ni kuongezeka kwa umaskini na pengo la usawa kulikochangiwa na janga la COVIOD-19 ambalo linaendelea kuvuruga maisha ya watu, uwezo wao wa kujikimu na uchumi.
Shirika la Umoja wa Mataifa la Mpango wa Chakula Duniani, WFP limekaribisha mchango wa dola za Marekani milioni 194.5 kutoka kwa Serikali ya Marekani, kupitia Shirika la Maendeleo ya Kimataifa la Marekani (USAID), ili kutoa msaada muhimu wa chakula na lishe na kujenga uwezo wa kukabiliana na hali hiyo kwa maelfu ya watu wanaokabiliwa na changamoto za ukame mbaya zaidi katika miongo minne.
Baraza la Haki za Kibinadamu la Umoja wa Mataifa liliunda Tume Huru ya Kimataifa ya Uchunguzi kuhusu Ukraine kuchunguza ukiukaji wa haki za binadamu, ukiukwaji wa sheria za kimataifa za kibinadamu, na uhalifu mwingine ambao unaweza kuwa umefanywa katika muktadha wa uchokozi wa Shirikisho la Urusi dhidi ya Ukraine.
Shirika la Umoja wa Mataifa la kuhudumia watoto UNICEF limesema watoto wengi na hususan wa kike katika jamii zilizoathirika na ukame nchini Kenya ikiwemo Turkana wako katika hatari hasa ya kuozwa mapema kwa sababu familia nyingi zinahaha kuweka mlo mezani na suluhu ya karibu wanayoiona ni kuoza binti zao mapema ili kujikimu. Sasa shirika hilo linashirikiana na mamlaka za huduma ya ulinzi kwa watoto katika maeneo yaliyoathirika ili kuwalinda dhidi ya ajira ndoa za utotoni.
Mjadala Mkuu wa mkutano wa 77 wa Baraza Kuu la Umoja wa Mataifa, UNGA77 ukiwa umeingia siku ya nne hii leo, Rais Paul Damiba wa Burkina Faso amesema tayari wamejiwekea mpango mkakati wa kurejesha utulivu nchini mwake wakati huu ambapo anaongoza serikali ya mpito kuanzia kufuatia mapinduzi ya kijeshi ya mwezi Januari mwaka huu.
Katibu Mkuu wa Jumuiya ya Afrika Mashariki Dkt. Peter Mathuki amesema wanaendelea na mchakato wa kuhakikisha Amani inapatikana nchini Jamhuri ya Kidemokrasia Kongo DRC kwakuwa nchi huyo ni mwanachama kamili wa jumuiya hiyo hivyo anastahili kusaidiwa kwenye masuala ya usalama.
Hali ya kibinadamu nchini Sudan ni ya kuangaliwa na kushughulikiwa kwa haraka kwani inazidi kuwa tete ikiweka maisha ya wanadamu hatarini, yameeleza Ijumaa leo mashirika matatu ya Umoja wa Mataifa likiwemo la mpango wa chakula, WFP, la kuhudumia wakimbizi UNHCR na la kuhudumia watoto, UNICEF.
Suala la kuhamishia wakimbizi nchi ya tatu kama njia mojawapo ya kutekeleza mkataba wa kimataifa wa wakimbizi linaendelea kuzaa matunda ambapo shirika la uhamiaji la Umoja wa Mataifa linasema tangu mwezi Agosti mwaka jana wa 2021 hadi leo hii limesaidia wakimbizi 20,000 kutoka Afghanistan kuhamia nchini Canada.
Deni la nje ni kikwazo kikubwa kinachozuia ukuaji wa kiuchumi na kijamii nchini Sudan na pia linazuia kutimiza malengo ya Maendeleo Endelevu ya Umoja wa Mataifa SDGs amesema leo Rais wa serikali ya mpito wa Sudan Abdel-Fattah AlBurhan Abdelrahman Al-Burhan wakati akihutubia mjadala wa wazi wa Baraza Kuu kikao cha 77 jijini New York Marekani.
