Huko Geneva, Uswisi kuanzia tarehe 6 hadi 8 ya mwezi ujao wa Aprili kunafanyika mashauriano yasiyo rasmi yenye lengo la kuandaa azimio la kisiasa la kulinda raia dhidi ya matumizi ya vilipuzi katika maeneo ya makazi ya watu wengi.
Kuongezeka kwa mzozo wa hivi karibuni nchini Yemen kumelaaniwa vikali na Katibu Mkuu wa Umoja wa Mataifa António Guterres.
Leo Jumamosi, tarehe 26 Machi 2022, Umoja wa Mataifa utashiriki tena katika "Saa ya Dunia", mpango wa kimataifa unaounganisha mamia ya mamilioni ya watu binafsi, makampuni, mashirika na serikali duniani kote kuzima taa zao kuanzia saa mbili na nusu usiku (2:30 usiku) hadi Saa tatu na nusu usiku 93:30 usiku) ili kuzingatia masuluhisho ya watu katika kulinda sayari na kujenga mustakabali mzuri na endelevu.
Shirika la Umoja wa Mataifa la Afya Duniani (WHO) na Serikali ya India leo wametia saini makubaliano ya kuanzisha Kituo cha Kimataifa cha Tiba Asilia cha WHO, WHO-GCTM. Kituo hiki cha maarifa cha kimataifa cha tiba asili kinachofadhiliwa na uwekezaji wa dola milioni 250 kutoka kwa Serikali ya India, kinalenga kutumia uwezo wa dawa asilia kutoka kote ulimwenguni kupitia sayansi na teknolojia ya kisasa ili kuboresha afya ya watu na sayari dunia.
Hii leo ikiwa ni siku ya kimataifa ya kumbukizi ya waathirika na manusura wa biashara ya utumwa katika bahari ya Atlantiki Katibu Mkuu wa Umoja wa Mataifa Antonio Guterres amesema “kuna mengi tunayofahamu kuhusu biashara hiyo na leo ni siku ya kukumbuka uhalifu dhidi ya binadamu, usafirishaji na biashara haramu ya binadamu pamoja na ukiukwaji mkubwa wa haki za binadamu usioweza hata kuzungumzika.”
Katibu Mkuu wa Umoja wa Mataifa Antonio Guterres amekaribisha tangazo la sitisho la mapigano lisilo na ukomo lililotangazwa na serikali ya Ethiopia, sitisho ambalo linaanza mara moja ili kufanikisha usambazaji wa huduma na misaada ya kibinadamu na tayari mamlaka za jimbo la Tigray zimeahidi kulizingatia.
Wakulima wa kaskazini mwa Haiti wanajitahidi kujijengea mnepo wa kustahimili hali mbaya ya hewa ili kujaribu kujilinda vyema kutokana na upotevu wa mali na mazao ambao mara nyingi hutokana na majanga ya asili.
Tumepokea madai ya kuwa tangu tarehe 24 mwezi Februari mwaka huu, raia wanaokimbia vita nchini Ukraine wanafyatuliwa risasi na kuuawa na vikosi vya Urusi, hayo ni moja ya madai ambayo tunafuatilia.
Machungu niliyopata nikipigana msituni, chawa waliozingira nguo zangu pamoja na majonzi yaliyokuwa yanampata mama yangu ndio chanzo cha mimi kuamua kusalimisha silaha na kurejea uraiani.
Wakati maambukizi mapya ya COVID-19 yakipungua kwa kiasi kikubwa, nchi nyingi zinazidi kupunguza ufuatiliaji wa COVID-19 na hatua za karantini, imeeleza taarifa ya shirika la afya la Umoja wa Mataifa la afya ulimwenguni kanda ya Afrika iliyotolewa hii leo Alhamis mjini Brazzaville, Congo.
