Wasichana na wanawake wengi sana wanaendelea kufa na kukabiliwa na matokeo mabaya ya uavyaji mimba usio salama, hata hivyo kuna ukosefu wa taarifa kuhusu jinsi huduma bora inaweza kutolewa kwa wasichana na wanawake wenye matatizo yanayohusiana na utoaji mimba, limesema Shirika la Afya Ulimwenguni la Umoja wa Mataifa, WHO.
Janga la COVID-19 limethibitisha bayana ukosefu wa usawa uliopo ulimwenguni leo ambapo nchi zilizoendelea shule zilifungwa lakini watoto waliendelea na masomo kwa njia ya mtandao wakati wanafunzi katika nchi zinazoendelea, shule zilifungwa, na watoto hawakujifunza kabisa.
Katibu Mkuu wa Umoja wa Mataifa Antonio Guterres hii leo kupitia ujumbe wake kwa mjadala wa wazi wa Baraza la Usalama uliofanyika jijini New York, Marekani, amewahimiza nchi zote wanachama kutumia ushawishi wao kwa wadau na washirika wao kuhakikisha wanaheshimu sheria ya kimataifa ya kibinadamu na kutenda matendo mema.
Ujumbe wa kulinda Amani wa Umoja wa Mataifa nchini Sudan Kusini UNMISS umelaani vikali shambulio lililotokea jumapili tarehe 23 Januari 2022 huko Baidit, Jimbo la Jonglei na kusababisha vifo vya zaidi ya watu 30, majeruhi kadhaa, wananchi wengine kufururushwa katika makazi yao na nyumba kuchomwa moto.
Sinfofahamu ya uongozi huko Burkina Faso ikiwa imeingia siku ya tatu, Kamishna Mkuu wa haki za binadamu kwenye Umoja wa Mataifa Michelle Bachelet naye ametoa wito kwa jeshi nchini humo limuachie huru mara moja Rais Roch Marc Christian Kaboré na maafisa wengine wa ngazi ya juu ambao wamekuwa wanashikiliwa.
Luteni Jenerali Shailesh Tinaikar raia wa India ambaye anastaafu wadhifa wake kama Kamanda wa Kikosi cha Ujumbe wa Umoja wa Mataifa wa kulinda amani nchini Sudan Kusini, UNMISS amewashukuru askari walinda amani waliokuwa chini yake hususani wanawake ambao anasema wanafanya kazi katika mazingira yenye changamoto zaidi.
Familia za wakimbizi wa ndani pamoja na zile zilizowakaribisha wakimbizi hao katika ukanda wa mashariki ya kati kwa sasa zinakabiliana na baridi kali kutokana na kuanguka kwa theluji wakati huu wanaishi kwenye mahema.
Msimu wa upanzi wakati wa majira ya chipukizi ukiwa unakaribia huko nchiin Afghanistan, shirika la Umoja wa Mataifa la chakula na kilimo, FAO limepatia wakulima mgao wa mbegu bora za ngano ili kuepusha njaa ilIyowakumba mwaka jana kutokana na kuchelewa kupanda mbegu bora wakati wa msimu wa baridi kali.
Nchini Uganda wiki moja baada ya shule kufunguliwa ikiwa ni takribani miaka miwili tangu janga la COVID-19 kusababisha kufungwa wanafunzi na walimu wanakumbana na changamoto kubwa ya idadi kubwa ya wanafunzi kutoka shule binafsi kuandikishwa katika shule za bure na hivyo kusababisha miundombinu kuhelemewa.
“Janga hili likiwa linaingia mwaka wake wa tatu hivi karibuni, ujasiri mkubwa wa watoto ulimwenguni kote ambao wanajitahidi kuendelea kujifunza unastahili kutambuliwa.” Hivyo ndivyo alivyoanza tamko lake Mwenyekiti wa Bodi ya GEP ambayo ni 'Ubia wa Kimataifa kwa ajili ya Elimu'.
